စာရေးဆရာသာ ဖြစ်ချင်တယ်


(က)
အင်္ဂလန်သို့ ရောက်နေတာ လေးနှစ်ကျော်လာခဲ့ချိန်မှာ ကျွန်မစိတ်တွေ ဇဝေဇဝါဖြစ်စ ပြုလာပါတယ်။ ဒီလေးနှစ်လုံးလုံး ကျွန်မဘာတွေလုပ်နေခဲ့သလဲဆိုတဲ့ မေးခွန်းကို ကျွန်မကိုယ်ကျွန်မ အကြိမ်များစွာပင် မရေတွက်နိုင်အောင် မေးနေခဲ့မိပါတယ်။ ဒီလေးနှစ်အတွင်းမှာ သိပ်ချစ်စရာကောင်းတဲ့ အဖိုတန်ရတနာလေးတစ်ပါးနဲ့တူတဲ့ သမီးကလေးတစ်ယောက် ရရှိခဲ့သလို ကျွန်မ အမြတ်နိုးဆုံး စိတ်အချမ်းသာဆုံး အလုပ်တစ်ခုဖြစ်တဲ့ စာရေးခြင်း အလုပ်ကိုလည်း တစ်နေ့မပြတ် ရေးနေခွင့်ရခဲ့ပါတယ်။ ကျွန်မရေးသမျှ စာတွေဟာလည်း မြန်မာပြည်မှာ ပုံမှန်ထွက်ရှိနေပြီး ပရိသတ်ကလည်း ဟိုးအရင်ကအတိုင်းပဲ အားပေးဖတ်ရှုနေဆဲပါ။ အဲဒီလောက် ငြိမ်းချမ်းနေပြီဖြစ်တဲ့ ကျွန်မဘဝမှာ ကျွန်မ ဘာဖြစ်ချင်သေးသလဲလို့ ဇဝေဇဝါတွေးမိတာလည်း အခါခါပါပဲ။
ကျွန်မနဲ့ ရွယ်တူတန်းတူ သူငယ်ချင်းတွေကို ကျွန်မ လှမ်းကြည့်မိပါတယ်။ တချို့ကလည်း အမေရိကားမှာ အသီးသီး ဆရာဝန်တွေလုပ်နေကြပြီး မြန်မာပြည်က ရွယ်တူ သူငယ်ချင်းတွေဆိုရင်လည်း MSC တွေအောင်ပြီး နောက်ထပ် ဘွဲ့လွန်တွေထပ်ယူဖို့ ကြိုးစားနေကြပါတယ်။ ဒီအင်္ဂလန်မှာလည်း MRCP ရသူတွေ၊ MRCGP ဘွဲ့ တစ်ခုအတွက် Part 1 တောင် အောင်ခဲ့ပြီးပြီ။ ကျွန်မကတော့ မောင့်ရဲ့ဇနီး နဲ့ သမီးလေးရဲ့ မေမေ အဖြစ် အိမ်မှုကိစ္စတွေနဲ့ မောင့်ရဲ့ပါရမီဖြည့်ဖက် တစ်ယောက်အဖြစ်သာ ကျေနပ်ရောင့်ရဲပြီး နေသားတကျ နေခဲ့တာ လေးနှစ်ကျော်ခဲ့ပါပြီ။
တစ်ခါ တစ်ခါ သူငယ်ချင်းတွေစုချိန်းပြီး gathering လုပ်ကြတဲ့အခါမှာ ကျွန်မရဲ့မေးခွန်းက ကျွန်မကိုစပြီးတော့ နှိပ်စက်ပါရော။ သူတို့တစ်တွေ အသီးသီးက ဆေးရုံအကြောင်း၊ အလုပ်အကြောင်း၊ ရာထူးအကြောင်း ပြောနေကြချိန်မှာ ကျွန်မက ဆရာဝန်တစ်ယောက်ဖြစ်လျက်နဲ့ စည်းအပြင် ရောက်နေပြီလား၊ ကျွန်မ ဘာဖြစ်လို့ ဆရာဝန်မလုပ်သေးတာလဲ၊ ကျွန်မရဲ့ ဘဝက ဘာလဲ၊ ဘယ်လဲ ဆိုတဲ့ မေးခွန်းပါ။ အမှန်အတိုင်းဝန်ခံရရင် ကျွန်မ တစ်ခါတလေ စိတ်ဓာတ်တောင် ကျချင်သလိုလိုပါ။ ဒီလောက် အခွင့်အရေးလည်း ရနေရက်သားနဲ့ စာမေးပွဲဖြေပြီး ဆရာဝန်လုပ်ဖို့ ငါ ဘာဖြစ်လို့ မကြိုးစားရတာလဲလို့ ကျွန်မကိုယ်ကျွန်မ စိတ်တိုင်းမကျစွာ ခံစားရပါတယ်။
ဒီအကြောင်း မောင့်ကို ရင်ဖွင့်မိတော့ မောင်က သူ့ထုံးစံအတိုင်းပဲ ခပ်ပြုံးပြုံးနဲ့။ 
“ချစ်က ဆရာဝန်မလုပ်ချင်ဘူးဆို၊ စာရေးဆရာပဲ ဖြစ်ချင်တာဆို၊ ချစ်ရဲ့ဘဝမျိုး၊ ချစ်ရထားတဲ့ အောင်မြင်မှုမျိုးကို ဆရာဝန်တိုင်း တခြားလူတိုင်း လိုချင်လို့မရပါဘူးချစ်ရယ်၊ ချစ်က ပါရမီရှင်ပဲ ဥစ္စာ၊ ဆရာဝန်အလုပ်က လူတိုင်းလုပ်လို့ရတယ်၊ စာရေးဆရာအလုပ်က လူတိုင်း လုပ်လို့မရဘူး၊ ဆရာဝန်မလုပ်ပေမယ့် ချစ်မှာ စာရေးတဲ့အလုပ် ရှိနေတာပဲ၊ ဘာအားငယ်စရာလိုသလဲ”
လို့ စိတ်ရှည်နွေးထွေးစွာ ရှင်းပြ အားပေးဖော်ရပါတယ်။ ဟုတ်ပါတယ်။ ကျွန်မကိုယ်တိုင်လည်း စာပဲရေးနေချင်တာ။ တစ်နေ့တစ်နေ့ စာမရေးရရင်မှ မနေနိုင်တဲ့ဥစ္စာ။ ဆရာဝန်သာ လုပ်လျှင် ကျွန်မ ဘယ်လိုလုပ်ပြီး စာရေးခွင့် ရပါတော့မလဲ ဆိုတဲ့အတွေး ဝင်လာပြန်တော့လည်း ကျွန်မ အနည်းငယ် စိတ်သက်သာရာ ရသွားပြန်ပါတယ်။ ဆရာဝန်မလုပ်လို့ ကျွန်မ သေမသွားနိုင်ပါဘူး။ စာမရေးရရင်သာ ကျွန်မ သေချင်သေသွားနိုင်တာ။ အင်း ဒါပေမယ့် အဲဒီ စိတ်သက်သာရာ ရမှုကလည်း ခဏပါပဲလေ။
(ခ)
တကယ်တော့ ဆရာဝန်အလုပ်က စိတ်ရောလူပါ သိပ်ပင်ပန်းတဲ့ အလုပ်တစ်ခုပါ။ တစ်နေ့တစ်နေ့ မောင်ပင်ပန်းသမျှကို မြန်နေရရုံနဲ့တင် ကျွန်မပါ အလိုလို ပင်ပန်းနေမိတာပါ။ သူငယ်ချင်းတွေဆုံတိုင်း သူတို့လည်း ညည်းကြပါတယ်။ သူတို့ကတော့ အပြုံးကလေးတွေနဲ့ 
“ထားရဲ့ဘဝကို တကယ်အားကျတယ်ဟေ့၊ ဖြစ်နိုင်ရင် ငါတို့လည်း အလုပ်မလုပ်ချင်ပါဘူးဟယ်၊ ထားလို စာမရေးတတ်လို့သာ အလုပ် လုပ်စရာမလိုရင် လုပ်မနေနဲ့ ပင်ပန်းတယ်”
လို့ ပြောကြပေမယ့် ကျွန်မကကျတော့ သူတို့ရဲ့ ဘဝကလေးတွေကို ပြန်ပြီး အားကျနေမိပြန်ပါရော။ ဆရာဝန်ဖြစ်ပြီး ဆရာဝန် မလုပ်ဘဲနေတာကို အပြစ်ရှိသူတစ်ယောက်လို ခံစားလာရပါတယ်။ အနည်းဆုံးတော့ ကျွန်မစိတ်ဝင်စားတဲ့ စိတ်ရောဂါအထူးကုဆရာဝန်တော့ လုပ်သင့်နေပြီလို့ စဉ်းစားမိတိုင်း မောင်က...
“ချစ်ရယ် မိသားစု ဘဝလေးတစ်ခုကို ပိုင်ဆိုင်ထားပြီဆိုရင် ဒီမိသားစုဟာ အတူတူနေနိုင်မှ ကောင်းတာလေ၊ ချစ်အလုပ်လုပ်ရင် သမီးလေးကို ခုလို ကိုယ်တိုင် စိတ်တိုင်းကျ ပြုစုစောင့်ရှောက်ခွင့် ဘယ်ရနိုင်မလဲ၊ ကောင်းတဲ့ဘက်က လှည့်တွေးကြည့်ပါ၊ အခုဆိုရင် ချစ် အလုပ်မလုပ်တော့ သမီးလေးက ဘယ်လောက်ကံကောင်းသလဲ၊ မိဘရဲ့ချစ်ခြင်းမေတ္တာနဲ့ ဂရုတစိုက် ပုံသွင်းပြုစုမှုကို အပြည့်အဝရထားတော့ သမီးရဲ့ပုံစံက ငယ်ငယ်ကလေးနဲ့ သူ့ကိုယ်သူ ယုံကြည်မှုအပြည့်ရှိနေတာလေ။ ဒါ ချစ်ရတဲ့ ဆုလာဘ်တစ်ခုပေါ့”
လို့ နှစ်သိမ့်ဖျောင်းဖျပြီး ကျွန်မရဲ့ ကိုယ့်ကိုယ်ကိုယ် အပြစ်ရှိသလို ခံစားရမှုကို ဖြေဖျောက်ပေးတတ်ပါတယ်။
တကယ်လို့ ကျွန်မ အလုပ်လုပ်မယ် ဆိုရင် သမီးလေးကို Nursery အစောကြီး ပို့ရတော့မှာလေ။ ပြီးတော့ လင်မယားနှစ်ယောက်ဟာ တစ်နေရာ တစ်မြို့တည်းမှာ အလုပ်ရဖို့ဆိုတာ မလွယ်ပြန်တဲ့အခါ မယ်တစ်ရွာ မောင်တစ်မြို့ ခွဲနေရမယ့်ကိန်းကို တွေးမြင်ယောင် ကြည့်မိပြန်တော့လည်း ကျွန်မ လုံးဝခွဲမနေနိုင်ပြန်ပါဘူး။ အဲဒီခံစားချက်နဲ့ပတ်သက်ပြီး သူငယ်ချင်းတစ်ယောက်က ရင်ဖွင့်ပြောပြဖူးပါတယ်။
“ထားရယ် စိတ်ကူးမလွဲနဲ့ဟေ့၊ နှစ်ယောက်စလုံးအလုပ်လုပ်တယ်ဆိုတာ တခြားလူကြည့်တော့သာ အထင်ကြီးဖို့ကောင်းတာ၊ တကယ့်လက်တွေ့မှာ စဉ်းစားကြည့် သူတစ်မြို့ ကိုယ်တစ်မြို့နဲ့ ခွဲနေရတော့ အိမ်က နှစ်အိမ် ငှားနေရတယ်၊ အဲဒီတော့ အိမ်ငှားခ၊ ရေဖိုး၊ မီတာဖိုး၊ ဖုန်းဖိုး၊ ဓာတ်ငွေ့ဖိုး အစစအရာရာ နှစ်ဆကုန်ရတယ်။ ပြီးတော့ လင်မယားနှစ်ယောက် တစ်ပတ်တစ်ခါတွေ့ရဖို့ အရေး သောကြာနေ့ညဆို ယောက်ျားလုပ်သူက တောင်နဲ့မြောက် ခရီးအဝေးကြီးကို ကားနဲ့အဝေးကြီးမောင်းလာရတယ်၊ စနေနေ့တစ်နေ့ အတူနေပြီးရင် တနင်္ဂနွေဆို ပြန်ရပြန်ရော၊ မသက်သာလိုက်တာ ထားရယ်၊ နှစ်ယောက်စာ လခရပေမယ့် ကုန်ကျစားရိတ် နှစ်ဆကို နှုတ်လိုက်တော့ ဘာမှမထူးဘူးဟေ့။ တစ်ယောက်တည်း အလုပ်လုပ်သလောက်ပဲ ကျန်တယ်။ အပိုဆုက စိတ်ဆင်းရဲရတာပဲ၊ နှစ်ယောက်ခွဲနေရတော့ ဘယ်လိုလုပ်ပြီး စိတ်ချမ်းသာနိုင်မလဲဟယ်။ လွမ်းရတာနဲ့ သူ့ ကိုယ် စိတ်မချ၊ ကိုယ့် သူ စိတ်မချ နဲ့ မဟန်ပါဘူး ထားရယ်၊ ရှင် စိတ်ကူးလွဲမနေနဲ့။ အလုပ်လုပ်ချင်မနေနဲ့၊ စိတ်ပင်ပန်း လူပင်ပန်းနဲ့ ရှင့်လိုလည်း စာမရေးတတ်တော့ ခက်သားပဲ”
လို့ ချူသံပါအောင် ညည်းသံကို ကြားဖူးပြန်တော့ အလုပ်လုပ်ချင်စိတ်တွေ ကြက်ပျောက်ငှက်ပျောက် ပျောက်ကွယ်ကုန်ပြန်ပါတယ်။ ဒါပေမယ့်လည်း အဲဒီစိတ်ဟာလည်း ခဏပါပဲ။ မကြာခင်မှာ နောင်တရချင်တဲ့ စိတ်ကလေးက ပြန်ပေါ်လာပြန်ရော။
(ဂ)
ယှဉ်ပြိုင်ချင်တဲ့ စိတ်ကလေးက ကျွန်မမှာ ရှိနေပြန်တော့ သူများတွေ အသီးသီးအလုပ်တွေ လုပ်နေချိန်မှာ ကျွန်မက အေးအေးဆေးဆေး အိမ်မှာ ဘုရားဂုဏ်တော်ပွားလိုက်၊ စာလေးရေးလိုက်၊ စာလေးဖတ်လိုက်၊ ရုပ်ရှင်ကြည့်လိုက်၊ Internet ဝင်လိုက်၊ လေ့ကျင့်ခန်းလေးလုပ်လိုက်၊ သမီးလေးနဲ့ ဆော့လိုက်နဲ့ ဘဝတစ်ခုကို အခက်အခဲမရှိ လွယ်လွယ်ကူကူ သက်သောင့်သက်သာ ဖြတ်သန်းနေတာဟာ တရားမျှတပါရဲ့လားလို့ ဘယ်သူ့အပေါ် မတရားရာ ကျနေမှန်း မသိ တစ်ယောက်တည်း ခံစားနေရတတ်ပြန်ပါတယ်။ ကြာရင် အဲဒီဝေဒနာဟာ စိတ်ရောဂါတောင် ဖြစ်လာတော့မလား မသိတော့ပါ။
အဲဒီတွေဝေမှု၊ မရေရာမှု၊ ဆုံးဖြတ်ချက် မပြတ်သားနိုင်မှု၊ လုပ်ရကောင်းနိုး စွန့်ရကောင်းနိုး ဇဝေဇဝါဖြစ်နေမှုတွေ အားလုံးကို စိတ်ချမ်းသာစွာ ပြတ်ပြတ်သားသား ဆုံးဖြတ်သွားနိုင်အောင် ကူညီလမ်းပြပေးခဲ့သူကတော့ ကျွန်မလေးစားကိုးကွယ်ရတဲ့ ကျွန်မကို ဘဝနေနည်း၊ စိတ်ထား တတ်နည်းတွေ၊ တရားစိတ်ကလေးနဲ့ သိမ်မွေ့ချမ်းသာအောင် နေနည်းတွေ သင်ပြပေးခဲ့တဲ့ ဆရာတော် အရှင်ဆန္ဒာဓိကပဲ ဖြစ်ပါတယ်။ ဆရာတော်ရဲ့ “အကြင်နာပေါင်း ရှစ်သောင်းလေးထောင်” ဆိုတဲ့ ဆရာတော်ရဲ့ သက်တော်၄၀ပြည့် အမှတ်တရ ထုတ်ဝေတဲ့ စာအုပ်ကလေးကို ဖတ်မိချိန်မှာ ဆရာတော်ရဲ့ စာသားကလေးတချို့က ကျွန်မရဲ့ တွေဝေငေးငိုင်စွာ ဝေခွဲရခက်နေတဲ့စိတ်ကို ကြည်လင်ပြတ်သား သေချာသွားအောင် မီးမောင်း အလင်းတန်းကြီးတစ်ခု ထိုးပြလိုက်သလိုပါပဲ။
“ငါသေသွားပြီ” ဆိုတဲ့ ခေါင်းစဉ်နဲ့ ရေးထားတဲ့ စာပိုဒ်ရဲ့ စာမျက်နှာ ၆၄မှာ 
“တိုတောင်းလှတဲ့ ဘဝလေးမှာ ကိုယ်လုပ်ချင်တာလုပ်ပြီး စိတ်အေးချမ်းစွာ နေသွားရဖို့က အဓိကပါပဲ။ ကိုယ်မလုပ်ချင်တဲ့ အလုပ်တွေ၊ ကိုယ်မလုပ်နိုင်တဲ့အလုပ်တွေ၊ မနိုင်ဝန်ထမ်းရင် စိတ်ဖိစီးမှုများပြီး သတ်သေချင်စိတ်ဖြစ်သွားပါလိမ့်မယ်၊ မလုပ်လောဘမကြီးဖို့၊ ကုသိုလ်လောဘ မကြီးဖို့ အရေးကြီးပါတယ်”
ဆိုတဲ့ စာပိုဒ်ကလေးပါ။ အို မှန်လိုက်တာ။ ဆရာတော်ရဲ့တရားက ပြတ်သားတိကျလိုက်တာ။ လူ့ဘဝကလေးက တိုတိုလေးပါ။ ကျွန်မအသက် ၃၆ ကျော်ခဲ့ပြီ။ ကျန်တဲ့သက်တမ်း တစ်လျှောက်မှာ အခုလောက် စိတ်ချမ်းသာ ငြိမ်းချမ်းဖွယ်ကောင်းတဲ့ စာရေးဆရာဘဝကလေးနဲ့ အေးအေးချမ်းချမ်းရှင်သန်ဖို့ ဘာကြောင့်များ ကျွန်မ မရောင့်ရဲမတင်းတိမ် နိုင်တာပါလိမ့်။ အခု ကျွန်မ ဘယ်လောက် စိတ်ချမ်းသာလိုက်သလဲ၊ ပူပန်ကြောင့်ကြ ကင်းလိုက်သလဲ၊ သောကနဲ့ စိတ်ဖိစီးမှု ကင်းလိုက်သလဲ၊ ဒီဘဝကလေးကို လူတိုင်း လိုချင်လို့မရနိုင်ပါဘူး။ ဘာဖြစ်လို့ အလုပ်တွေ လုပ်ချင်နေရသလဲ။ ကျွန်မ မြတ်နိုးတန်ဖိုးထားတဲ့ စာရေးဆရာဘဝကလေးကို ကျွန်မ ရဲ့ နောက်ဆုံး ထွက်သက်အထိ မက်မက်မောမော ဖက်တွယ်ထားတော့ရော ဘယ်သူတွေက အပြစ်တင်ကဲ့ရဲ့ မှာမို့လဲ။ ရခဲလှတဲ့ စာရေးဆရာဘဝကလေးကိုပဲ ကျွန်မတစ်သက်လုံး ထိန်းသိမ်းတန်ဖိုးထားဖို့ ဆုံးဖြတ်လိုက်ပါတယ်။ အဲဒီ စိတ်သက်သာရာရမှု၊ ဆုံးဖြတ်ချက် ပြတ်သားသွားမှု ကလေးကို ခဏလေးမဖြစ်အောင် “လူ့ဘဝဆိုတာ တိုတိုလေး” လို့ နှုတ်ကနေ ရေရွတ်ကြည့်မိလိုက်ရင် ကျွန်မ စိတ်ချမ်းသာ ကျေနပ်သွားပါတော့တယ်။ ဘာနောင်တရစရာရှိလဲ၊ ကျွန်မ စာရေးဆရာသာ ဖြစ်ချင်ပါတယ်။
(ကျွန်မဘဝရဲ့ အရေးကြီးလှတဲ့ ဆုံးဖြတ်ချက်တစ်ခုကို ပြတ်သားခိုင်မာသွားအောင် လမ်းပြပေးခဲ့တဲ့ တစ်နည်းအားဖြင့် ကျွန်မကို တင်းတိမ်ရောင့်ရဲစွာ စိတ်ချမ်းသာ ကျေနပ်စေအောင် တရားပြပေးခဲ့တဲ့ ဆရာတော် အရှင်ဆန္ဒာဓိက အား ကျေးဇူးအထူးတင်စွာ လက်စုံမိုး ရှိခိုးဦးခိုက်လျက်....)


လွန်းထားထား။ဆေးတက္ကသိုလ်။
သရဖူမဂ္ဂဇင်း (သြဂုတ်၊ ၂၀၀၈)

အကျီစားသန်သူ


(က)
ထိုအဆောင်တွင် စိုးစိုး၊ ယုယုနှင့် ဝေဝေတို့ သုံးယောက်ပေါင်းမိပြီဆိုမှဖြင့် တစ်ဆောင်လုံး ရှိသူတွေ အားလုံး နားရွက်ပင် မခတ်ရဲလောက်အောင် အလွန်တရာမှ သတိထား၍ နေကြရတတ်သည်။ အဘယ်ကြောင့်ဆိုသော် ထိုသုံးယောက်ပေါင်း လိုက်လျှင် လူတကာကို အခံရခက်အောင် အကျီစားသန်လွန်းသော ကြောင့်ဖြစ်ပါသည်။ တစ်ဆောင်လုံးတွင် သူတို့သုံးယောက်၏ အစအနောက်ကို မခံရသူရယ်လို မရှိ။ ယုတ်စွအဆုံး အဆောင်ပိုင်ရှင် အပျိုကြီးပင် မနေရချေ။ သူမတို့ ကျီစားပုံက ထိုအချိန်မှာတော့ ဆွေ့ဆွေ့ခုန်အောင် စိတ်ဆိုးကြသလောက် အားလုံးပြီးသွားချိန်တွင် ထိုအကြောင်းကို တစိမ့်စိမ့် ပြန်ပြောကြရသည့်အခါ ရယ်မောကြရမြဲဖြစ်သည်။ ပထမတော့ သူတို့သုံးယောက်၏ သည်းညဉ်းကို မည်သူမျှ မခံနိုင်ကြ။ အဆောင်ပိုင်ရှင်က သူတို့သုံးယောက်ကို အဆောင်ကနေ နှင်ဖို့အထိပင် စဉ်းစားခဲ့မိသေးသည်။ သို့သော် နောက်ဆုံးမှာတော့ သူတို့သုံးယောက်မှာ အဲဒီ အစအနောက် အကျီစားသန်တာကလွဲပြီး စိတ်ကောင်းနှလုံးကောင်းရှိကာ ရိုးသာားဖြူစင်သူ  ကလေးတွေမို့ အဆောင်မှာ ဆက်လက်နေခွင့်ပြုလိုက်ရသည်။
သူတို့နောက်ပုံကလည်း လွန်လွန်းသည်။ ဥပမာ- မြန်မာ့အသံ(သို့မဟုတ်) မြဝတီမှ ရုပ်ရှင်ကောင်းသော စနေနေ့ညမျိုးဆိုလျှင် သူတို့ သုံးယောက်သား ခေါင်းချင်းဆိုင်ကာ အမျိုးမျိုး အကျီစားသန်ဖို့ စီစဉ်ကြတော့သည်။ အဲဒါကို မသိသူတွေကတော့ အငိုက်မိကာ ခံရမြဲဖြစ်သည်။ တစ်ခါတုန်းကဆိုလျှင် စနေနေ့ညမှာ ရုပ်ရှင်ကားကောင်းတွေမို့ ဧည့်ခန်းတွင် အဆောင်သူတွေ စုံစုံလင်လင် ရှိကြချိန်မှာ သူမတို့သုံးယောက်သား ဧရာမဇလုံကြီးတစ်လုံးဖြင့် ဧည့်ခန်းသို့ရောက်ရှိလာကာ ...
လ္ဖက်သုတ်ဆိုလျှင် ဘယ်မိန်းကလေးမှ မကြိုက်ဘဲ မနေနိုင်ကြသောကြောင့် လ္ဖက်ဇလုံကြီးဆီ လူတွေအားလုံး ဝိုင်းအုံလာကြကာ တစ်ယောက်တစ်ဇွန်းအလုအယက်ဖြင့် ခပ်စားမိကြလေသည်။ လ္ဖက်အနံ့ကလည်း ပုဇွန်ခြောက်နံ့ကလေး တသင်းသင်းဖြင့် မွှေးမြလှသည်ဖြစ်ရာ အားလုံးအားပါးတရ ပြုံးပြုံးကြီး ဝါးမိကြချိန်မှာ ထောက်ခနဲမြည်သံနှင့်အတူ သွားကျွတ်ထွက်သွားပြီလား ထင်ရလောက်အောင် ခပ်မာမာ အရာလေးတွေကို လူတိုင်းလိုလို ကိုက်မိကြလေသည်။ အားလုံး မျက်နှာလေးတွေ ကိုယ်စီကိုယ်ငှ ရှုံ့မဲ့သွားကြကာ မျက်လုံးတွေပြူးပြီး ပါးစပ်ထဲမှ လ္ဖက်သုပ်တွေကို လက်ထဲသို့ ပြိုင်တူထွေးထုတ်မိကြသည်။ အဲဒီတော့မှ လ္ဖက်ထဲမှာ ကျောက်စရစ်ခဲ့လို ပြောင်ချောချောအလုံးတွေ လူတိုင်းတွေ့ကြလေသည်။ “ဟယ်... အဲဒါ ဘာကြီးလဲ ကြည့်စမ်း... ဝေဝေတို့ ယုတ်မာလိုက်ကြတာ။ လ္ဖက်ထဲ ကျောက်စရစ်ခဲတွေ ထည့်သုပ်လိုက်တယ်ဟုတ်လား” ဟု စိတ်ဆိုးမာန်ဆိုး အော်ဟစ်ကြစဉ် သူမတို့ သုံးယောက်က စပ်ဖြီးဖြီးမျက်နှာကလေးတွေဖြင့်  
“ဟင် ဟုတ်လား အဲဒါဆိုရင် ကျောက်စရစ်ခဲနဲ့ မြေပဲ အထုပ်မှားပြီး သုပ်မိတာ ထင်တယ်... ဟီးဟီး” ဟု အော်လျက် သုံးယောက်သား တစ်ချိုးတည်းထ လစ်ပြေးသွားကြသည်။ 
ကျန်ခဲ့သော သူတွေမှာ သူမတို့သုံးယောက်ကို ဒေါသတကြီး ပြစ်တင်ဝေဖန်ရှုတ်ချလျက် လ္ဖက်သုပ်ပန်းကန်ကြီးကို ဆက်စားရကောင်းနိုး လွှင့်ပစ်ရကောင်းနိုးဖြင့် ဇေဝေဇဝါ ရယ်မောခဲ့ဖူးသည်။ သူတို့သုံးယောက်က အဲဒီလိုဖြစ်သည်။
(ခ)
ညဘက်ဆိုလျှင် သူတို့သုံးယောက်သည် ဘယ်တော့မှ စောစောအိပ်လေ့မရှိ။ သူမတို့ မအိပ်ချင်တိုင်း စောစောစီးစီးအိပ်ရာဝင်သူတွေကို အမျိုးမျိုး အကျီစားသန်တတ်သေးသည်။ တစ်ရက်တုန်းက ခြင်ထောင်ချထားသော အဆောင်သူတစ်ယောက်၏ ခြင်ထောင်ကို မွေ့ရာဖြင့် တစ်စပ်တည်းဖြစ်အောင် သူတို့သုံးယောက် ကြိုးစားပမ်းစားဝိုင်း၍ သီချုပ်ထားကြလေသည်။ ညသန်းခေါင်ကျော်တွင် အဆောင်သူက အိမ်သာသွားဖို့ ခြင်ထောင်ထဲမှ ဘယ်လိုမှ ထွက်မရသောကြောင့် သွေးပျက်ချောက်ချားကာ ....
ကယ်ကြပါဦး... ကယ်ကြပါဦး။ ဒီမှာ ခြင်ထောင်ထဲက ထွက်လို့မရတော့ဘူး။ ဘာဖြစ်နေမှန်းမသိဘူး။ ခြင်ထောင်ကြီးက လေးဖက်စလုံး အလုံပိတ်နေတယ်” ဟု
ညသန်းခေါင်းမှာ အသံကုန်ဟစ်လျက် အော်ဟစ်ခဲ့ရဖူးလေသည်။ အဆောင်သူတွေအားလုံး အလန့်တကြားနိုးလာကာ အပြေးအလွှားရောက်လာပြီး ခြင်ထောင်ကို အမျိုးမျိုးဆွဲလှန်ဖို့ ကြိုးစားကြသည်။ သို့သော် မအောင်မြင်ချေ။ စိုးစိုးတို့က သေသေချာချာ အခိုင်အခံ့ ဝက်သိုးထိုးနည်းဖြင့် သေသေသပ်သပ်ချုပ်ထားသောကြောင့် ဖြစ်လေသည်။ နောက်ဆုံးမှာတော့ ခြင်ထောင်ကြီးကို အလယ်သားမှနေ၍ ဓားဖြင့်ထိုးခွဲချလိုက်ကြကာ ခြင်ထောင်ထဲမှ အဆောင်သူကို အပြင်ထွက်ခွင့်ရစေတော့သည်။
အားလုံးက ထိုလက်ရာကို စိုးစိုး၊ ယုယုနှင့် ဝေဝေတို့လက်ရာမှန်း ပြောစရာမလိုဘဲ တန်းသိကြသည်။ အဲဒီလောက် အကျီစားသန်ရပါ့မလားဟု ခံရသူက ဖြစ်ခါစမှာ ဒေါသတကြီး ဆွေ့ဆွေ့ခုန်ကာ ငိုယိုပြီး သူမတို့ကို ရန်တွေ့သော်လည်း သူမတို့သုံးယောက်က အပြုံးမပျက်ကြချေ။ သူမတို့မှာ ဆင်ခြေက အဆင်သင့်။
“မဟုတ်ပါဘူး ကြည်ဖြူရယ်။ စိတ်မဆိုးပါနဲ့။ ရှင့်ခြင်ထောင်ထဲကို ခြင်တွေ ခဏခဏဝင်လာတတ်တယ်လို့ ရှင်ပဲ ခဏခဏညည်းတယ်လေ။ အဲဒါကြောင့် ရှင့်ခြင်ထောင်ထဲ ခြင်မဝင်အောင် ကျွန်မတို့သုံးယောက်က ဝိုင်းချုပ်ပေးထားကြတာပါ” ဟု ပြုံးပြုံးဖြီးဖြီး မျက်နှာကလေးတွေနှင့် ဆင်ခြေပေးလေသည်။
(ဂ)
အဆောင်မှာ အဆောင်သူတွေ မကြာခဏ သရဲခြောက်ခံရတတ်လျှင် အဲဒါ ဘယ်သူ့လက်ချက်မှမဟုတ်။ သူတို့သုံးယောက်၏ လက်ချက်ပဲဖြစ်သည်။ သရဲဆိုလျှင် ဘယ်သူကမှ မကြောက်ဘဲ မနေနိုင်ကြသူတွေမို့ သရဲခြောက်ခံရလျှင် လိပ်ပြာလွင့်မတတ် အားပါးတရ ထိတ်လန့်ကြရမြဲဖြစ် သည်။ နောက်တော့မှ တကယ့်သရဲခြောက်ခြင်းမဟုတ်ဘဲ အနောက်ခံရမှန်း သိကာ စိတ်ဆိုး၍ မဆုံးတော့ချေ။ နောက်တော့လည်း အဲဒီစိတ်ဆိုးစရာသည် ရယ်စရာမောစရာအဖြစ် ပြောင်းလဲသွားရပြန်သည်။
တစ်ခါတုန်းကဆိုလျှင် အဆောင်ပိုင်ရှင် အပျိုကြီးမမက တစ်ရေးနိုးအိမ်သာ သို့ဝင်မိစဉ်  အိမ်သာခန်းထဲမှာ လည်ပင်းမှာ ကြိုးကွင်းစွပ်လျက် တန်းလန်းဖြင့် လျှာကြီးတွဲလောင်ထုတ်ကာ မျက်နှာတပြင်လုံး ဖြူဖွေးလျက်ရှိသော ဆံပင်ဖိုးရိုးဖားရားနှင့် ယုယုကိုတွေ့ရစဉ် ယုယုမှန်းမမှတ်မိဘဲ သရဲဟုထင်မှတ်မှားကာ အာခေါင်ခြစ်လျက် အသံကုန်ကျုံးအော်ပြီး ဝရုန်းသုန်းကား ထွက်ပြေးရလေသည်။ တစ်ဆောင်လုံးရှိ လူတွေကို...
“သရဲ သရဲ... လုပ်ပါဦး ။ အိမ်သာခန်းထဲမှာ သရဲကြီးလည်ပင်းမှာ ကြိုးတန်းလန်းနဲ့” ဟု ခုန်ဆွခုန်ဆွဖြင့် အော်ဟစ်၍ မဆုံးနိုင်အောင် ရှိလေသည်။
အဆောင်သူတွေအားလုံး အလန့်တကြားနိုးထကြရကာ အိမ်သာခန်းဆီမှာတော့ ယုယုက မရှိတော့ချေ။ ကိုယ့်အခန်းထဲကိုယ်ပြန်ပြီး ဖွေးနေသော ပေါင်ဒါတွေကို မျက်နှာသစ်ပစ်ကာ ဆံပင်တွေကို သပ်သပ်ရပ်ရပ်ပြန်ဖြီးရင်း သုံးယောက်သား ကျိတ်လျက် ရယ်မောနေကြလေသည်။ အိမ်သာခန်းထဲမှာ ဘာသရဲမှ မတွေ့တာမို့ တခြားအဆောင်သူတွေက မယုံကြည်ကြသော်လည်း အဆောင်ပိုင်ရှင်ကတော့ သူမကိုယ်တိုင် မျက်လုံးနဲ့တပ်အပ်မြင်လိုက်ရသည်မို့ ချောက်ချားရင်ဖိုကာ တစ်ကိုယ်လုံး အေးစက်လျက်ရှိသည်။ အဲဒီအကြောင်းကို တဖွဖွ ပြော၍မဆုံးတော့ချေ။ နောက်ဆုံးတော့ ထိုလက်ချက်မှာ ယုယုတို့၏ လက်ချက်မှန်း ပြန်သိသွားချိန်မှာတော့ အဆောင်ပိုင်ရှင်သည် စိတ်လည်းဆိုးကာ အောင့်သီးအောင့်သက်ဖြင့် ရယ်မောရလေသည်။
သူတို့သုံးယောက်က အဲဒီလိုဖြစ်သည်။
(ဃ)
အဆောင်တစ်ဆောင်လုံးရှိ လူတွေအားလုံးကို နောက်ပြောင်၍ အားရပြီဆိုလျှင် သူမတို့သုံးယောက်က အဆောင်အပြင်ရှိလမ်းသွားလမ်းလာတွေကိုလည်း အလစ် မပေးချေ။ အဆောင်ရှေ့မှာ ညောင်ပင်ကြီးတစ်ပင်ရှိသည်မို့ သူမတို့အတွက် အဲဒီညောင်ပင်ကြီးက တကယ်အသုံးဝင်သော ညောင်ပင်ကြီးဖြစ်လေသည်။ အဲဒီညောင်ပင်ကြီးကို အကာအကွယ်ယူကာ လမ်းသွားလမ်းလာတွေကို မကြာခဏ သရဲခြောက်သလို ကျီစားပြီး သုံးယောက်သား အူလှိမ့်ကာ ရယ်မောကြမြဲဖြစ် လေသည်။
“သူငယ်ချင်းတို့ရေ ..ဒီတစ်ခါတော့ နည်းနည်းလေးစွန့်စားပြီး တကယ်ယုတ္တိတန် အောင် နောက်ရအောင်။ ဒီညောင်ပင်ကွယ်ကနေ ခဲလုံးနဲ့ လှမ်းပေါက်တာလောက်တော့ လူတိုင်းနောက်လို့ ရတာပဲ” ဟုစိုးစိုးက စတင်လေသည်။
ကျန်နှစ်ယောက်က နောက်ရမည်ဆိုလျှင် အလွန်စိတ်ဝင်စားတက်ကြွစွာဖြင့် .
“ကဲ..ဆိုစမ်းပါဦး။ နင့်အကြံကို..”
“အဆောင်ရှေ့က ဖြတ်သွားတဲ့ကားတစ်စီး စီးရဲ့အရှေ့မှာ ကားတိုက်ခံရသလို အရင်ဆုံးလှဲအိပ် ချပစ်လိုက်မယ်။ အဲဒါဆိုရင် ကားသမားက လူတစ်ယောက်ကို ကားတိုက်မိပါပြီဆိုပြီး အလန့်တကြား ဖြစ်မယ်။ ပြီးရင်ကားရှေ့ကို
ဆင်းလာပြီးကြည့်မယ်။ အဲဒီအချိန်အထိ ငါကလှဲအိပ်နေမယ်။ သူကြံရာမရဖြစ်ပြီး ဘာလုပ်ရမှန်းမသိဖြစ်နေတဲ့ အချိန်မှာ နင်တို့ထဲက တစ်ယောက်က ကားနောက်ခန်းဘက်ကနေ အသံတစ်ခုခုပေးလိုက်။အဲဒါဆို အဲဒီလူက ကားနောက်ဘက်ကို အလန့်တကြား သွားကြည့်လိမ့်မယ်။ အဲဒီအချိန်ကျမှ ငါကသုတ်ခနဲ၊ ဖျတ်ကနဲထပြီးတော့ ပြေးပုန်းနေလိုက်မယ်။ အဲဒီလူကားရှေ့ကို ပြန်လာကြည့်တဲ့ အချိန်မှာ ငါမရှိတော့ဘူးဆိုရင် သူဘယ်လောက်တုန်လှုပ် ချောက်ချားသွားမလဲ။ စဉ်းစားကြည့်စမ်း။အဲဒါကမှ တကယ်သရဲခြောက်တာနှင့် တူတာ”ဟု စိုးစိုးက ၀မ်းသာအားရပြောလေသည်။
ကျန်နှစ်ယောက်ကလည်း ကျေကျေနပ်နပ်ကြီး ထောက်ခံကြလေသည်။ အဲဒီလိုနှင့် ညတစ်ညမှာ သူမတို့သုံးယောက် အဆောင်ရှေ့ ညောင်ပင်ကြီးနောက်မှာ အကာအကွယ်ယူရင်း ဖြတ်သွားမည့် ကားတစ်စီးစီးကို စိတ်ရှည် လက်ရှည်စောင့်ကြလေသည်။ အဲဒီအချိန်မှာ ကားမီးရောင်ကို သူတို့တွေ့ရလျှင်..
“ဟဲ့..ကားတစ်စီးတော့ လာပြီ။ သွား..သွား သတိတော့ထားနော်။” ဟုဆိုပြီး စိုးစိုးကို ကျန်နှစ်ယောက်က တွန်းလွှတ်လိုက်လေသည်။ စိုးစိုးသည် ကားရှေ့တစ်ပေခန့်သာသာလောက်တွင် လှဲချဖို့ ကြိုတင်ချိန်ဆ ထားသော်လည်း သူမ၏ခန့်မှန်းချက်လွဲသွားလေသည်။ သူမကားရှေ့သို့ ဘွားခနဲရပ်လိုက်စဉ် ကားသမား ကြောက်အားလန့်အားဖြင့် ဘရိတ်အုပ်လိုက်မည်ဟု သူမတို့မျှော်လင့်ခဲ့သည်။ သို့သော် သူမတို့ လူရွေးမှားသွားခဲ့လေသည်။ ကားသမားက အရက်မူးနေပုံရသည်။ ကားကိုလုံးဝမရပ်လိုက်ချေ။ ကားရှေ့မှာ ဗြုန်းကနဲ ပြေးရပ်လိုက်သော စိုးစိုးကို ကားကအရှိန်မလျော့ဘဲ ဖြတ်တိုက်သွားလိုက်လေသည်။ စိုးစိုးသည် ကားဘောနက်(စ်) ပေါ်သို့ မြောက်တက်သွားပြီးမှ ပြန်လိမ့်ကျကာ ကတ္တရာလမ်းမပေါ်သို့ ပြုတ်ကျသွား လေသည်။
ပထမတော့ ထိုအဖြစ်အပျက်ကို ညောင်ပင်နောက်ကွယ်မှ စောင့်ကြည့်နေကြသော ယုယုနှင့် ဝေေ၀က စိုးစိုးနောက်တာ အောင်မြင်သည်ဟု ထင်နေကြသည်။ သို့သော် ကားသမားဆင်းလာပြီး စိုးစိုးကိုပွေ့ထူ လိုက်ချိန်မှာ တိုင်ပင်ထားသည့်အတိုင်းယုယုက ကားနောက်ဘက်ကနေ အသံတစ်ခုပေးလိုက်သည်။ သို့သော် ကားသမားက ထိုအသံကို စိတ်မ၀င်စားပါ။ ကားရှေ့မှာ သတိလစ်လျက်ရှိသော စိုးစိုးကိုသာ ထိတ်လန့်တကြား အော်ဟစ်နှိးလျက်ရှိသည်။
အဲဒီအချိန်ကျမှ ယုယုနှင့် ဝေေ၀သည် စိုးစိုးနောက်နေတာ မဟုတ်တော့မှန်း ရိပ်မိပြီး ကားရှေ့သို့ အပြေးအလွှား ရောက်လာကြ၏။
စိုးစိုး၏ခေါင်းနောက်မှာ သွေးတွေ တကယ်ပဲ ရွှဲနစ်နေခဲ့သည်။ စိုးစိုးကို သူမတို့နှစ်ယောက် တုန်လှုပ်စွာ ၀ိုင်း၍နိုးကြသော်လည်း စိုးစိုးက သတိပြန်လည်မလာပါ။ ထိုညတွင်းချင်းမှာပင် ဆေးရုံကြီး အရေးပေါ်ဌာနသို့ သူမတို့အမြန်ဆုံးပို့လိုက်ရလေသည်။ မယုံနိုင်လွန်းသဖြင့် ယုယုနှင့်ဝေေ၀မှာ သွေးပျက်မတတ် တုန်လှုပ်ချောက်ချားလျက်ရှိကြသည်။ စိုးစိုး တကယ်ကားတိုက်ခံရကြောင်း သူမတို့နှစ်ယောက် မယုံကြည်နိုင်။ အဲဒီလိုပင် အဆောင်တစ်ဆောင်လုံးရှိ လူတွေကလည်းလုံးဝမယုံကြည်ကြချေ။ သူမတို့ ဆေးရုံကနေ အဆောင်ကို လှမ်းဖုံးဆက်ပြီး စိုးစိုးအကြောင်းပြောပြချိန်မှာတောင် ဖုန်းလာနားထောင်သော အဆောင်မှူးကလုံးဝ မယုံကြည်ချေ။
“ကလေးမလေးတွေ လာနောက်မနေကြနဲ့။ နင်တို့ဒီအချိန် အချိန်မတော်ကြီးဘာလို့ အဆောင်အပြင် ရောက်နေကြတာလဲ။ နင်တို့အဆောင်လမ်းထိပ်ကနေ ဆက်နေတာမဟုတ်လား။ ဒီတစ်ခါတော့  နင်တို့ထက်ပိုလည်သွားပြီ။ နင်တို့ကျီစားတာ ကိုငါမယုံတော့ဘူးသိလား။” ဟုဆိုကာ ရယ်ရယ်မောမောဖြင့် ဖုန်းချသွားလေသည်။ ယုယုနှင့်ဝေေ၀မှာ တစ်ယောက်ကို တစ်ယောက်ဖက်ရင်း၊ တစ်ကိုယ်လုံး သွေးဆုတ်ဖြူရော်ကာ တုန်ရီလျက်ရှိကြသည်။ စိုးစိုးကတော့ သတိပြန်လည်မလာတော့ချေ။

(င) 
စိုးစိုးသေဆုံးသွားသောအဖြစ်ကို သူမတို့ ဘယ်လိုမှ ယုံကြည်လက်ခံ၍မရနိုင်ခဲ့သလို တစ်ဆောင်လုံးရှိ လူတွေကလည်း မယုံကြည်နိုင်ကြချေ။ အဖြစ်အပျက်မှာ မယုံနိုင်လောက်အောင် မြန်ဆန်လှပြီး တစ်ယောက် ယောက်ကကျီစားနောက်ပြောင်နေသလိုပဲ။ မယုံနိုင်စရာကောင်းလှသည့်ကို။ အဲဒီအချိန်ကစပြီး ဝေေ၀နှင့် ယုယုတို့သည် ဘယ်သူ့ကိုမှ မစမနောက်ဖြစ်တော့ပေ။ သူတို့စိတ်ထဲမှာ ယခုအချိန်အထိ စိုးစိုးသူမတို့ကို နောက်နေခြင်း၊ ကျီစားနေခြင်းဖြစ်သည်ဟုအမြဲတမ်း သံသယဖြစ်လျက် ရှိလေသည်။

လွန်းထားထား(ဆေးတက္ကသိုလ်) 
အိုင်ဒီယာမဂ္ဂဇင်း(အောက်တိုဘာလ ၂၀၀၄)

အတောင်ပံတွေ ရှိခဲ့လျှင်

(က)
မေသည် သက်ပြင်းတစ်ချက်ကို တိုးတိတ်ဖြည်းညင်းစွာ ချမိသည်။ မေ့ဘေးမှာ မေချစ်ခဲ့သော၊ မေ့ကိုလည်း ချစ်ခဲ့သော ထိုယောက်ျားက နှစ်နှစ်ခြိုက်ခြိုက်အိပ်မောကျနေသည်။ အိပ်မောကျနေတာများ ဟောက်တောင်နေသေးသည်။ မေသည် သူ၏မျက်နှာကို စေ့စေ့ကြည့်မိသည်။ 
သူဟာ လူချောတစ်ယောက်၊ အဲဒါကြောင့်လည်း မေ သူ့ကို အသည်းစွဲခဲ့သည်။ သူက စကားပြော အလွန်ကောင်းသော နှုတ်ချိုသူတစ်ယောက်လည်း ဖြစ်ခဲ့သည်။ အဲဒါကြောင့် မေသူ့ကို သိပ်ချစ်ခဲ့တာပေါ့။
သူသည် သူ့ရုပ်ရည်ချောမောလှပမှု၊ စကားပြောကောင်းမွန်မှုတို့ဖြင့် မေ့နှလုံးသားကို ညှို့ယူသိမ်းပိုက်နိုင်စွမ်း ခဲ့သူဖြစ်သည်။ အခုတော့ မေတို့လက်ထပ်ခဲ့ကြသည်မှာ တစ်နှစ်ကျော်ကြာခဲ့ပြီ။ သူသည် မေ့ခင်ပွန်းယောက်ျားတစ်ယောက်အဖြစ် မေ့ဘေးမှာ ရှိခဲ့ပြီ။ သူ့ကို မေသာလျှင်ပိုင်ဆိုပြီး မေ့ကိုလည်း သူသာလျှင် ပိုင်ဆိုင်လေသည်။
သူ၏အလုပ်က ဓာတ်ပုံဆရာတစ်ယောက်ဖြစ်သောကြောင့် မိန်းမချောလေးများစွာနှင့် တရင်းတနှီး ဆက်ဆံပတ်သက် နေရသည်ဖြစ်ရာ မေသည် သူ့ကို စိတ်မချ။
သဝန်တိုစိတ်ဖြင့် အမြဲတမ်း တထင့်ထင့်ဖြစ်ခဲ့ရသည်ကလွဲလို့ မေတို့၏ အိမ်ထောင်ရေးမှာ ပျော်စရာအတိ ပြီးလျက် သာယာချမ်းမြေ့ခဲ့ပါသည်။
(ခ)
သူက မေ့ကိုသာလျှင် အချစ်ဆုံး၊ မေကလွဲလျှင် ဘယ်မိန်းကလေးကိုမှ လှတယ်လို့မထင်ကြောင်း အမြဲတဖွဖွ ပြောခဲ့ဖူးသည်။ ဟုတ်သည်ဖြစ်စေ၊ မဟုတ်သည်ဖြစ်စေ၊ မေကတော့ သူ့ရဲ့ချိုသာသော အဲဒီပျားရည်စကားတွေထဲမှာ ပျော်ဝင်ခဲ့ရသည်ချည်းပင်။
“ဂျနီဖာလိုပက်ဇ်လား၊ လှတော့လှပါတယ်ကွာ ဒါပေမယ့် ကိုယ့်မိန်းမလောက်တော့ ဘယ်လှမလဲ” ဟု သူကပြောလျှင် မေသည် တခစ်ခစ်ရယ်မောကာ တကယ်ထင်ခဲ့ဖူးသည်။ အဲဒီလိုပဲ တခြား မိန်းကလေးတွေကိုပဲတွေ့တွေ့ သူက ထိုမိန်းကလေးတွေကို စေ့စေ့ကြည့်ပြီးလျှင်....“ကောင်မလေးက မဆိုးပါဘူး၊ လှတော့လှရှာသားပဲ၊ ဒါပေမယ့် ခက်တာက ကိုယ့်မိန်းမရဲ့ အလှကို မမှီတာခက်တယ်၊ ကိုယ့်မိန်းမလောက် ဘယ်သူမှ မချောဘူးကွာ..”
သူက အဲဒီလို အမြဲတမ်း ပြောတတ်သူဖြစ်သည်။ အဲဒီအခါမျိုးတွေမှာ သူတမင်သက်သက် လိမ်လည်နောက်ပြောင်နေမှန်း သိလျက်နှင့်ပင် မေသည် သဘောအကျကြီး ကျမိလေသည်။ သူ၏အလုပ်က မိန်းမချော၊ မိန်းမလှလေးတွေ တရုန်းရုန်းဆိုပေမယ့် သူသည် မေ့အပေါ်မှာ အမြဲတမ်းသစ္စာရှိလိမ့်မည်ဟု မေတထစ်ချ ယုံကြည်ခဲ့သည်။
တခြားမိန်းကလေးတွေဆီ သူ့စိတ်မရောက်စေရအောင်လည်း မေ့ကိုမေ အမြဲတမ်း လှပကျော့မော့နေအောင် ပြင်ဆင်ခြယ်သတတ်သည်။
ပြီးလျှင် သူ့ကိုပြုစုသည့်နေရာမှာလည်း လိုလေးသေးမရှိအောင် အစွမ်းကုန်ပြုစုလေသည်။ မေသည် အချက်အပြုတ် အိမ်ထောင်မှုအထိန်းအသိမ်းမှာ အလွန်ကျွမ်းကျင်နိုင်နင်းသော မိန်းမပီသသူတစ်ဦးဖြစ်ရာ ထိုအချက်ကပင် ယောက်ျားတစ်ယောက် ကိုယ့်အပေါ် သစ္စာရှိရှိ စွဲမြဲဖို့ လုံလောက်ခိုင်မာတော့ အကြောင်းတစ်ချက်ဖြစ်သည်ဟု အမြဲတမ်း ယုံကြည်ခဲ့လေသည်။
(ဂ)
တကယ်တမ်းတော့ ထိုစိတ်ကူးကို မေသည် ရူးရူးနှမ်းနှမ်းဖြင့် ရခဲ့တာဖြစ်သည်။ မေ့အပေါ် တစ်သက်လုံး သစ္စာရှိရှိချစ်ပါမည် မေကလွဲပြီး တခြား ဘယ်မိန်းကလေးကိုမှ စိတ်နဲ့တောင် မပြစ်မှားပါဘူးဟု တဖွဖွကတိပေးခဲ့သော မေ့ယောက်ျားကို အကယ်၍များ မေ့ကွယ်ရာမှာ မိန်းကလေးတစ်ယောက်ယောက်က သူ့ကို အခွင့်အရေးတွေပေးကာ ဖြားယောင်းချဉ်းကပ်ခဲ့လျှင် သူ မေ့အပေါ် သစ္စာရှိနိုင်ပါတော့မလား ဆိုသော သံသယဖြင့်သူ့ကို စမ်းသပ်ချင်ခဲ့သော ရူးနှမ်းနှမ်းစိတ်ကူးတစ်ခုမှ စတင်ခဲ့လေသည်။ မေသည် ယခုချိန်အထိ သူ့အချစ်ကို ယုံကြည်လေသည်။ မေ့ကိုဆို အမြဲတမ်း ဖူးဖူးမှုတ်အလိုလိုက်ကာ ရှေ့တန်းတင်လွန်းသော သူ့ရဲ့ စရိုက်ကြောင့် မေ့ကွယ်ရာမှာ တခြားမိန်းမတစ်ယောက်ယောက်နှင့် သူ ဘယ်လိုမှ သာယာလိမ့်မည်မဟုတ်ဟု တစ်ဖက်ကလည်း ယုံကြည်စိတ်ချနေခဲ့သေးသည်။ သူ့ကိုတစ်ဖက်လှည့်ဖြင့် မေ့အပေါ် တကယ်သစ္စာရှိမရှိ စမ်းသပ်မည်ဟု စိတ်ကူးတစ်ခုစတင်လိုက်ရခြင်းသည် တကယ်တော့ မေ အရူးထခြင်းသက်သက်သာ ဖြစ်ပါသည်။
သို့သော် မေ တကယ်အရူးထခဲ့သည်။
(ဃ)
ပထမဆုံး ဆိုင်တစ်ခုနှင့်ဆက်သွယ်ကာ သူ၏ရုံးခန်းလည်းဖြစ်၊ စတူဒီယိုလည်းဖြစ်သော မြို့ထဲက တိုက်ခန်းလိပ်စာအတိုင်း တစ်ပတ်လျှင် ပန်းစည်းတစ်စည်း တစ်လတိတိ အမည်မဖော်ဘဲ ပို့ပေးခိုင်းဖို့ မေကစီစဉ်လိုက်သည်။ 
ပထမဆုံး ပန်းစည်း သူ့ဆီ စပို့ဖြစ်သောနေ့က သူအိမ်ပြန်လာချိန်တွင် သူ့မျက်နှာကို မေက မသိမသာ အကဲခတ်လေသည်။ မေ့စိတ်ထဲမှာ သူ့ဆီ တစ်ယောက်ယောက်က ပန်းစည်းပို့တဲ့အကြောင်းကို သူ မေ့ကို ရိုးသားစွာ ဖွင့်ပြောပြလိမ့်မည်ဟု ထင်ခဲ့သည်။
သို့သော် သူက ဘာမှမပြောချေ။ ထိုအချိန်ကစပြီး မေ့ရင်ထဲမှာ အနည်းငယ်တော့ အောင့်မျက်ခဲ့သည်။ သူ မေ့ကို လျှို့ဝှက်ထားပြီပေါ့လေ။ ရှိစေတော့။ ဒုတိယအပတ်တွင်လည်း သူ့ဆီ နောက်ထပ် ပန်းစည်းတစ်စည်း ပို့စေခဲ့ပြန်သည်။ အဲဒီနေ့ကလည်း သူ့အမူအရာမှာ ဘာမှ ထူးထူးခြားခြားမပြချေ။
တတိယမြောက်အပတ်တွင်တော့ မေသည် သူလျှို့ဝှက်နေတာကို မခံနိုင်တော့ဘဲ သူ၏ရုံးခန်းဆီသို့ အမှတ်မထင် လမ်းကြုံသလိုလိုနှင့် ရောက်အောင်ဝင်သွားခဲ့သည်။
မေရောက်သွားချိန်မှာ ပန်းစည်းကရောက်နေခဲ့ပြီ။ စားပွဲပေါ်မှ တင်ထားသော ပန်းစည်းကို သူက ဝင်လာသည်နှင့် ပန်းအိုးတစ်အိုးထဲသို့ ဖျတ်ခနဲထိုးလိုက်လေသည်။ မေက မျက်ခုံးကလေးပင့်ကာ...
“အဲဒါ ဘယ်က ပန်းစည်းလဲမောင်” ဟု အမှတ်မထင်ဟန်ဖြင့် မေးလိုက်ရာ သူက တစ်ချက်ရယ်လျက်
“ဘယ်ကမှမဟုတ်ပါဘူးကွာ၊ ကိုယ်ဝယ်လာတာပါ၊ ဒီနေ့ မော်ဒယ်လ်တစ်ယောက် ဓာတ်ပုံရိုက်ရင် အဲဒီပန်းစည်းနဲ့ ရိုက်မလို့ပါ”
သူ ဗြောင်လိမ်လိုက်သောကြောင့် မေ ပိုအောင့်မျက်သွားလေသည်။ သူ ဘာဖြစ်လို့ အဲဒီလို လိမ်ရတာလဲ။ ဒီပန်းစည်းကို အမည်မဖော်လိုသူ မိန်းကလေးတစ်ယောက်က ပို့ပေးနေတယ်ဆိုတာ သူဘာဖြစ်လို့ မေ့ကို ဖြောင့်ဖြောင့်မှန်မှန်ဖွင့်မဝန်ခံရဲရတာလဲ။ မေသည် ချက်ချင်းပင် ဝမ်းနည်းနာကျင်ကာ အိမ်သို့ပြန်ခဲ့လေသည်။
စတုတ္ထမြောက်အပတ်တွင်လည်း သူ့ဆီသို့ ပန်းစည်းလေးပို့စေခဲ့ပြန်သည်။ သူ့ထံမှ မေ့ကို ထူးထူးခြားခြား ဘာမှ မပြောခဲ့ချေ။ မေသည် အပြင်မှနေ၍ သူ၏ရုံးခန်းဆီသို့ အသံဖျက်၍ ဖုန်းလှမ်းခေါ်လိုက်သည်။
“ဟဲလို” သူဖုန်းလာထူးချိန်တွင် မေ့ရင်ထဲ တလှပ်လှပ် တုန်လာခဲ့သည်။ မေ့အသံကို မေမှန်းမမှတ်မိအောင် အသံတိုးတိုးအက်အက်ကလေး ဖြစ်အောင် ဖျက်လျက်....
“ကိုမဟော်လားဟင်... ပန်းစည်းတွေ ရသလားလို့”
“သြော်... ကိုယ့်ဆီပန်းစည်းတွေပို့ပေးနေတာ မင်းလား၊ မင်း ဘယ်သူလဲ၊ ဘာဖြစ်လို့ ကိုယ့်ဆီ ပန်းစည်းတွေပို့နေတာလဲ”
သူ၏ အသံက နွေးထွေးကာ ချိုမြနေသည်။ မေသည် စိတ်ထဲမှာ တင်းကျပ်သွားသော်လည်း အသံတိုးတိုး ချိုချိုကလေးဖြစ်အောင် ဖန်တီးရင်း 
“ကိုမဟော်ရယ်... ပန်းစည်းပို့ပေးပါတယ်ဆိုမှ စိတ်ဝင်စားတဲ့ အမှတ်အသားပေါ့၊ ဘယ်မိန်းကလေးက ယောက်ျားတစ်ယောက်ဆီကို အားအားယားယား ပန်းစည်းပို့ပေးပါ့မလဲ၊ ကိုမဟော်ဒီနေ့ တီရှပ်အနက်ရောင်ကလေး ဝတ်ထားတယ် မဟုတ်လား”
“အင်း၊ ဟုတ်တယ်၊ မင်းဘယ်လိုလုပ် သိတာလဲ။ ကိုယ့်ကို မင်းသိလား”
“သိပ်သိတာပေါ့၊ ဒီလောက်နာမည်ကြီးတဲ့ Photographer ပဲ ဥစ္စာ” မေက ခပ်သဲ့သဲ့ကလေးပြောလိုက်လျှင် သူက ကြည်နူးပီတိဖြာသွားသော အသံဖြင့်၊ တဟင်းဟင်း ရယ်မောနေလေသည်။
မေသည် စိတ်ထဲကနေ ယောက်ျားကို ကျိန်ဆဲမိလေသည်။ ကြည့်စမ်း ယောက်ျားတွေများ ဘယ်လောက်သစ္စာမရှိလိုက်သလဲ၊ မိန်းမကွယ်ရာမှာ လစ်လျှင်လစ်သလို သာယာမှု ရှာနေလိုက်တာ။ 
“ဒါနဲ့ မင်းဘယ်မှာနေတာလဲ၊ ဓာတ်ပုံတွေဘာတွေရိုက်ဖို့ ဝါသနာမပါဘူးလား၊ ကိုယ်ရိုက်ပေးမယ်လေ၊ ကိုယ့် Studio ကို သိတယ်မဟုတ်လား”
“သိတာပေါ့၊ တကယ်လာရမှာလား”
“လာခဲ့ပါ၊ ကိုယ်ရိုက်ပေးမှာပေါ့၊ ဒါနဲ့ မင်းကချောလားဟင်”
“ဟီး ဟီး၊ ကိုယ့်ကိုယ်ကိုယ်မို့ ပြောတာမဟုတ်ဘူးနော်၊ ကျွန်မကို လှတယ်လို့ လူတိုင်းပြောကြတယ် သိလား”
“အဲဒါဆို လာခဲ့လေ၊ မင်းရဲ့ပုံတွေ ကမ္ဘာကျော်သွားအောင် ကိုယ်ရိုက်ပေးမှာပေါ့”
မေ့ယောက်ျားအသံမှာ ချိုမြနွေးထွေးလျက်ရှိလေသည်။ မေသည် အသံမထွက်အောင် စိတ်ထဲကနေ အကျယ်ကြီးတောက်ခတ်ပစ်ရင်း အံတင်းတင်းကြိတ်မိလေသည်။ “တစ်နေ့နေ့ပေါ့လေ လာခဲ့မယ် သိလား ” ဟု ပြောပြီး ဖုန်းကို ချပစ်လိုက်သည်။
ထိုအကြောင်းကို ညနေအိမ်ပြန်လာသောအခါ ယောက်ျားဖြစ်သူများ ဖွင့်ဟဝန်ခံမလားလို့ မေ မျှော်လင့်မိသေးသော်လည်း သူက တစ်ခွန်းမှ မဟချေ။
(င)
အဲဒီလိုနှင့် မေသည် အပတ်တိုင်း သူ့ဆီသို့ ပန်းစည်း ကလေးတွေ၊ ရှပ်အင်္ကျီကလေးတွေ၊ ပုဆိုးကလေးတွေ ပို့ပို့ပေးလေသည်။ အဲဒီပစ္စည်းတွေများ အိမ်ကို သူယူလာမလားဟု မျှော်လင့်ကာ မသိမသာ စောင့်ကြည့်သော်လည်း ကိုယ့်ယောက်ျားက ထိုပစ္စည်းတွေကို အိမ်သို့ ယူမလာဘဲ သူ့ရုံးခန်းမှာပင် ပိပိရိရိ ဖွက်ထားခဲ့လေသည်။
အဲဒါအပြင် မေသည် တပတ်လျှင်တကြိမ် ပစ္စည်းကလေးတွေ ပို့ပြီးတိုင်း သူ့ဆီကို အသံဖျက်ကာ ခပ်ညုညု ခပ်ချွဲချွဲလေသံဖြင့် ဖုန်းမှန်မှန်ဆက်လေသည်။ ယောက်ျားလုပ်သူကလည်း ဖုန်းထဲမှာ တစ်ဖက်မိန်းကလေး အရည်ပျော်သွားမတတ် အချွဲကြီး ချွဲလျက်ရှိလေသည်။
မေသည် စိတ်ထဲမှနေ သူ့ကို စိစိညက်ညက်ဖြစ်အောင် အမှုန့်ချေပစ်ချင်စိတ် ပေါက်လာခဲ့သည်။ သူက အင်မတန် ဟန်ဆောင်ကောင်းလှပါသည်။ မေ့ရှေ့မှာ တစ်ချက်ကလေးမှ အမူအရာမပျက်ချေ။ မေ့ကိုလည်း
 ခါတိုင်းလိုပင် အချစ်ဆုံးဟု ပြောမြဲ၊ ကမ္ဘာပေါ်မှာ အလှဆုံးမိန်းမဟု မြှောက်မြဲပင်။
မနေနိုင်တဲ့ တစ်နေ့မှာ မေသည် သူ့ကိုသွေးတိုးစမ်းသလိုမျိုးနှင့် “မောင်ရယ် ကျွန်မကွယ်ရာမှာများ ရှင်မိန်းကလေးတစ်ယောက်ယောက်နဲ့ ကျိတ်ပုန်းခုတ်နေသလားဟင်” ဟု မေးမိလျှင် သူက မျက်လုံးပြူး မျက်ဆံပြူးဖြင့် ကပျာကယာ ငြင်းဆန်လေသည်။
“ဟာ... ပေါက်ပေါက်ရှာရှာ မေရယ်... ကိုယ့်မှာ ဒီလောက်ချစ်စရာကောင်းတဲ့ ဇနီးအချောအလှကလေး ရှိနေပြီပဲဟာ။ ဘယ်မိန်းမမှ ကိုယ့်မိန်းမရဲ့ ခြေဖျားကိုတောင်မမှီဘူး သိလား၊ မေကလွဲပြီး ဘယ်မိန်းမကိုမှ ကိုယ် ဂရုလည်း မစိုက်ဘူး။ ကိုယ့်အလုပ်မှာ ဒီလောက် မိန်းမချော၊ မိန်းမလှတွေ များနေတာပဲ။ ဒါပေမယ့် ကိုယ် စိတ်မဝင်စားပါဘူးကွာ” ဟု ပြောင်ပြောင်တင်းတင်း လိမ်နေသည်။ 
မေသည် ကိုယ်အလိမ်ခံနေရတာကို သိသိကြီးနှင့် ကိုယ့်ရဲ့မိုက်မဲမှုဖြင့် ဆက်ဆံနေရခြင်းဖြစ်သည်။
(စ)
အဲဒီလိုနှင့် မေ သူ့ဆီ လက်ဆောင်ပစ္စည်းကလေးတွေ တပတ်တစ်ခါ ပို့ရင်း၊ တပတ်တစ်ခါ ဖုန်းမှန်မှန်ဆက်နေခဲ့သည်မှာ သုံးလလောက် ကြာသွားခဲ့ပြီ။
ဖုန်းထဲမှ သူ့ဆီက ချစ်တယ်ဟု မပြောရုံတမယ် တရင်းတနှီးသော စကားတွေကိုလည်း ကြားခဲ့ရပြီ။ “အပြင်မှာ တွေ့ရအောင်ကွာ” ဟု သူက စချိန်းလေသည်။ 
“တွေ့တော့ တွေ့ချင်ပါတယ် ကိုမဟော်ရယ်၊ ဒါပေမယ့် ကျွန်မကသာ တစ်ဖက်သတ်ချစ်နေရတာ၊ ကိုမဟော်မှာက အိမ်ထောင်ရှိတယ်လေ၊ အိမ်ထောင်ရှိ ယောက်ျားတစ်ယောက်နဲ့ ကျွန်မ ဇာတ်လမ်းရှုပ်လို့ ဘယ်ဖြစ်မလဲနော်၊ သူများအိမ်ထောင်ရေးကို နှောင့်ယှက်ရာ ကျမှာပေါ့” ဟု မေက ပြောလိုက်လျှင် သူ့ဘက်မှ အတော်ကလေး ကြာအောင် တိတ်ဆိတ်သွားပြီး သက်ပြင်းတစ်ချက် ရှိုက်လေသည်။
“ကိုယ့်မှာ အိမ်ထောင်ရှိတယ် ဆိုပေမယ့် ကိုယ့် မိန်းမနဲ့က သိပ်အဆင်မပြေပါဘူးကွာ၊ ကိုယ်တို့ အိမ်ထောင်ရေးက သာသာယာယာ မရှိလှပါဘူး၊ ကိုယ့်မိန်းမက နည်းနည်းဆိုးတယ်ကွာ၊ ကိုယ့်အပေါ်မှာ သိပ်အနိုင်ယူ ဗိုလ်ကျချင်တယ်၊ ကိုယ်နဲ့မျက်နှာကြောတည့်လှတာ မဟုတ်ဘူး၊ ပြီးတော့ စွာလည်းစွာတယ်၊ ဒေါသကလည်း အရမ်းကြီးတာ၊ သူ တစ်ခါတစ်ခါ သောင်းကျန်းရင် ဝုန်းဒိုင်းကြဲနေတာပဲ၊ ကိုယ်လည်း စိတ်ညစ်တော့ တစ်ခါတစ်လေ အိမ်တောင်မပြန်ဖြစ်ပါဘူး၊ ကိုယ့်ရုံးခန်းမှာပဲ အနေများတယ်၊ ကိုယ့်စိတ်ထင်တော့ ကိုယ်တို့အိမ်ထောင်ရေးဟာ သက်တမ်းမှ ရှည်ပါ့မလား မသိပါဘူးကွာ” 
မေသည် သူ၏စကားကြောင့် တအံ့တသြ ရင်နာသွားလေသည်။ မေ့ကိုချစ်လိုက်တာဟု တဖွဖွပြောသော မေ့ရဲ့ ယောက်ျားက ပြောလိုက်သော စကားမှ ဟုတ်ပါရဲ့လားဟု မေမယုံနိုင်၊ မေ့အပေါ် အမြဲတမ်းသစ္စာရှိရှ ချစ်နေလိမ့်မည်ဟု မေယုံကြည်ခဲ့သော မေ့ယောက်ျားသည် ကွယ်ရာမှာ မေ့ရဲ့မကောင်းကြောင်းကို လုပ်ကြံပြောနေခဲ့သည်။
မေသည် ရင်ထဲမှာ ပြင်းပြစွာ နာကျင်လျက် အသံတိတ် ငိုကြွေးမိလေသည်။
“တကယ်ပြောတာပါ နှင်းဆီရယ်၊ တစ်ခါတစ်လေတော့ ကိုယ်လေ ကိုယ့်ကို နားလည်နိုင်မယ့် မိန်းမတစ်ယောက်ရဲ့ ရင်ခွင်ထဲမှာ အမောဖြေချင်မိတယ် သိလား၊ ကိုယ့်ဘဝက ရင်မောစရာကောင်းတာ....”
မေ့ယောက်ျားက ဆက်ပြောနေလေသည်။ မေသည် သူ့ရဲ့စကားတွေကို ကြားတစ်ချက် မကြားတစ်ချက်၊ မေ့အပေါ် သူ အဲဒီလောက် ရက်ရက်စက်စက် သစ္စာဖောက်လိမ့်မည်ဟု မေ မထင်ခဲ့မိချေ။
“ကောင်းပြီလေ၊ ကိုမဟော်တွေ့ချင်တယ်ဆို ကျွန်မတို့ လူချင်းတွေ့ကြတာပေါ့။ အခုလာမယ့် တနင်္ဂနွေနေ့ သမ္မတရုံမှာ ရုပ်ရှင်ကြည့်ရင်း တွေ့ကြမယ်လေ။ ကျွန်မမှန်းသိသာအောင် မိုးပြာရောင် ဝမ်းဆက်ကလေး ဝတ်ခဲ့မယ်၊ ပြီးတော့ လက်ထဲမှာ နှင်းဆီပန်းအဖြူတစ်ပွင့် ကိုင်ထားမယ်လေ၊ ကိုမဟော်က ဘာအရောင် ဝတ်လာမှာလဲ”
“တကယ်လား နှင်းဆီ၊ နှင်းဆီ ကိုယ်နဲ့ တကယ်တွေ့တော့မယ်ပေါ့လေ၊ အိုကေ ကိုယ်လာခဲ့မယ်၊ ကိုယ်လည်း နှင်းဆီနဲ့ဆင်တူ မိုးပြာရောင် ရှပ်အင်္ကျီ ဝတ်ခဲ့မယ်။ ဘောင်းဘီကတော့ ဂျင်းဘောင်းဘီပဲပေါ့၊ ဘယ်နှစ်နာရီ တွေ့ကြမလဲဟင်”
“၁၂နာရီ အတိမှာ ရုပ်ရှင်ရုံရှေ့မှာ ဆုံမယ်လေ။ ဒါပဲနော်”
ဟု ပြောကာ မေက ဖုန်းချလိုက်လေသည်။
ယောက်ျားတစ်ယောက် သစ္စာမရှိမှုကို သိပြီးတဲ့နောက်မှာ မေဘာများ ဆက်လုပ်ရမည်နည်း။ မေသူ့ကို ပညာပြချင်လှသည်။
(ဆ)
 တနင်္ဂနွေနေ့မနက်ကတည်းက သူက လေကလေး တချွန်ချွန်ဖြင့် သီချင်းကလေး ငြီးနေခဲ့သည်။ မေက သူ့ကို မသိမသာ အကဲခတ်လျက်....
“ဒီနေ့ မောင် Studio မှာပဲ ရှိမှာလားဟင်၊ မေလိုက်ခဲ့မလို့” ဟု ပြောလိုက်လျှင် သူ သိသိသာသာ မျက်နှာပျက်သွားကာ “ဟာ မလိုက်ခဲ့နဲ့ မေ၊ ဒီနေ့ ကိုယ်အောက်ဒိုး ထွက်ရိုက်ရမှာ၊ မေပင်ပန်းလိမ့်မယ်၊ မောင့်မိန်းမ အလှပဂေးလေး အိမ်ထဲမှာပဲ နေပါကွာ၊ အပြင်မှာ နေပူကပူနဲ့ မေ့အသားလေးတွေ မည်းကုန်ပါ့မယ်”
 “အို မရဘူး အောက်ဒိုးဆိုလည်း မေ လိုက်ခဲ့မှာပဲ”
 မေသည် သူ့ကို သွေးတိုးစမ်းက ဆက်ရစ်နေပြန်သည်။ သူ၏မျက်နှာဟာ ဟန်မဆောင်နိုင်လောက်အောင် ပျက်လာပြီး “မေကလည်းကွာ ဂျီကျစရာမရှိ ကြံဖန်ဂျီမကျစမ်းပါနဲ့၊ ကိုယ့်အလုပ် ကိုယ်သွားလုပ်မှာ၊ အပျော်သွားမှာမှ မဟုတ်တာ”
“သေချာလို့လား၊ ရှင် မိန်းမတစ်ယောက်နဲ့ သွားမတွေ့ဘူးလို့ ဘယ်သူက သေချာအာမခံနိုင်မလဲ”
မေ့စကားကြောင့် သူ အရှိုက်ထိသွားသလို ဖျတ်ခနဲ ငြိမ်သွားလေသည်။ “မေကလည်းကွာ၊ ကိုယ် ဘယ်နှစ်ခါ ပြောရမလဲ၊ ကိုယ့်ဘဝမှာ မေကလွဲပြီး တခြားဘယ်မိန်းမကိုမှ စိတ်မဝင်စားပါဘူးဆို၊ အခု ကိုယ် မော်ဒယ်လ်တစ်ယောက်ကို  ဓာတ်ပုံ သွားရိုက်ပေးရမှာ၊ အဲဒါလည်း မိန်းမတစ်ယောက်တော့ မိန်းမတစ်ယောက်ပဲပေါ့၊ ဒါပေမယ့် ကိုယ် အလုပ်သွားလုပ်မှာလေ၊ မေ့ကို မလိုက်စေချင်တာ မေပင်ပန်းမှာ စိုးလို့ပါကွာ၊ မေက လိမ္မာပါတယ်နော်၊ အိမ်မှာပဲ အေးအေးဆေးဆေး နားနေခဲ့လေ၊ ကိုယ် အလုပ်စောစောပြီးတာနဲ့ ပြန်လာခဲ့မယ်၊ ညကျရင် တစ်ခုခု ထွက်စားကြတာပေါ့၊ ဟုတ်လား၊ မောင့်မိန်းမက လိမ္မာပါတယ်ကွာ” 
သူက မေ့ခေါင်းကို ဖွဖွသပ်ရင်း ချော့မော့ နှစ်သိမ့်ကာ မိုးပြာရောင်ရှပ်အင်္ကျီနှင့် ဂျင်းဘောင်းဘီ နက်ပြာစိုစို ကို ဝတ်ကာ ခေါင်းကို ဂျဲလ်ဖြင့် နက်မှောင်ပြောင်လက်နေအောင် ဖြီးကာ ထွက်သွားလေသည်။
မေသည် အလိမ်ခံနေရသည်ကို အသည်းဆတ်ဆတ်ခါအောင် နာကြည်းလာသည်။ တကယ်တော့ မေမှားခဲ့ခြင်းဖြစ်သည်။ ယောက်ျားတစ်ယောက်ဆီက သစ္စာရှိမှုနှင့် အချစ်တွေကို မေ လောဘတကြီးမျှော်လင့်ခဲ့မိသည်ကိုက မေ့အမှားဖြစ်သည်။ သူထွက်သွားပြီး မကြာခင်မှာ မေသည် မိုးပြာရောင်ဝမ်းဆက် ဝတ်စုံကလေးကို ဝတ်လျက် လက်ထဲမှာ နှင်းဆီဖြူတစ်ပွင့်ကိုင်လျက် သမ္မတရုံရှေ့သို့ တက္ကစီဖြင့် ထွက်ခဲ့လေသည်။
မေ့ကိုမြင်သောအခါ ဖြစ်ပျက်သွားမည့် သူ၏မျက်နှာကို မေ မြင်ချင်စမ်းလှသည်။ ယောက်ျားဆိုတာမျိုးဟာ အတောင်ပံသာ ရှိခဲ့လျှင် မိုးအဆုံး မြေအဆုံး ပျံချင်တိုင်း ပျံသန်းကြမယ့် လူတွေချည်းပဲလေ။


လွန်းထားထား(ဆေးတက္ကသိုလ်)

သဝန်တိုတယ်

 သူ့ရဲ့ချစ်သူ ဖြစ်ခွင့်ရတဲ့အတွက်လည်း ကျွန်မ အမြဲဂုဏ်ယူ ကျေနပ်ခဲ့ရပါတယ်။ ဘယ်သူ့ကိုမှ ကျွန်မထက်ပိုပြီး ချစ်မြတ်နိုးဦးစားပေးခြင်း မရှိခဲ့တဲ့ သူ့ကို ကျွန်မ မက်မက်မောမော ယုံယုံကြည်ကြည်နဲ့ပဲ လက်ထပ်ခဲ့ပါတယ်။
(၁)
တကယ်ပါ...။ ကျွန်မဘဝတစ်လျှောက်လုံးမှာ သူ့ကို အခုတစ်ကြိမ်လောက် ဘယ်တုန်းကမှ သဝန်တိုငြူစူခြင်း မရှိခဲ့ဖူးပါဘူး။ ချစ်သူဘဝတုန်းကတောင် သူ့ကို သဝန်မတိုခဲ့ရပါဘူး။ သူကလည်း ကျွန်မကလွဲလို့ ဘယ်မိန်းမကိုမှ မျက်လုံးနဲ့တောင် မပြစ်မှားခဲ့သူလေ။ အဲဒီလောက် တည်ငြိမ်အေးဆေးခဲ့သူပါ။
 ချစ်သူဘဝတစ်လျှောက်လုံး ကျွန်မကလွဲလို့ ဘယ်သူ့ကိုမှ ဦးစားမပေးခဲ့။ ကျွန်မကို ဦးစားပေးလွန်းလို့ သူ့သူငယ်ချင်းတွေနဲ့လည်း မကြာခဏ ပဋိပက္ခ ဖြစ်ခဲ့ရသူ...။ သူ့မိဘတွေနဲ့ ယှဉ်လိုက်ရင်လည်း ကျွန်မမှကျွန်မ။ ကျွန်မကတော့ အလိုလိုက်ခံရလွန်းတဲ့ ကလေးတစ်ယောက်လို သူ့အပေါ် အမြဲဗိုလ်ကျ နွဲ့ဆိုးဆိုးခဲ့သူပါ။ 
သူ့ရဲ့ချစ်သူ ဖြစ်ခွင့်ရတဲ့အတွက်လည်း ကျွန်မ အမြဲဂုဏ်ယူကျေနပ်ခဲ့ပါတယ်။ ဘယ်သူ့ကိုမှ ကျွန်မထက်ပိုပြီး ချစ်မြတ်နိုးဦးစားပေးခြင်း မရှိခဲ့တဲ့ သူ့ကို ကျွန်မ မက်မက်မောမော ယုံယုံကြည်ကြည်နဲ့ပဲ လက်ထပ်ခဲ့ပါတယ်။
ကျွန်မနဲ့သူ့ကို စံပြချစ်သူတွေအဖြစ် သတ်မှတ်ထားခဲ့ကြတဲ့ ကျွန်မရဲ့သူငယ်ချင်းတွေက ကျွန်မတို့အိမ်ထောင်ရေးကိုလည်း စံပြအိမ်ထောင်ရေး ဖြစ်လာလိမ့်မယ်လို့ ကြိုတင်နိမိတ်ဖတ်ခဲ့ပါရဲ့။
တကယ်လည်း ကျွန်မတို့နှစ်ယောက်ရဲ့ အိမ်ထောင်သည်ဘဝဟာ ပြောစရာမရှိလောက်အောင် ပြီးပြည့်စုံခမ်းနားခဲ့ပါတယ်။ စားအတူ၊ သွားအတူ အမြဲမခွဲဘဲ တတွဲတွဲရှိခဲ့ပါတယ်။ မြင်သူတကာတိုင်းလည်း သိပ်ချစ်တတ်ကြတဲ့ ကျွန်မတို့နှစ်ယောက်ကို အမြဲချီးကျူးဂုဏ်ပြုခဲ့ကြပါတယ်။
ကျွန်မတို့နှစ်ယောက်ကြားကို “သူ” ရောက်လာခဲ့တဲ့ အချိန် မတိုင်ခင် အထိပေါ့လေ။
(၂)
“သူ” ဆိုတာ “AROWANA” ဆိုတဲ့ အများက LUCKY FISH လို့ခေါ်တဲ့ ငွေရောင်ငါးအမြီးရှည်ရှည်ကြီးပါပဲ။
သူက စတင်ပြီး “ချစ်ရေ ကိုယ်တို့ LUCKY FISH မွေးရအောင်”လို့ ပြောလာစဉ်က ကျွန်မအလွယ်တကူပဲ ခေါင်းညိတ်သဘောတူခဲ့ပါတယ်။ သူနဲ့ကျွန်မကြားမှာ တစ်ယောက်ရဲ့လိုအပ်ချက်ကို တစ်ယောက်က ကြည်ကြည်သာသာ လိုက်လျောပေးနေကျလေ...။ အဲဒီတော့ မွေးပေါ့...။
သူက ရှည်လျားတဲ့ ငါးကန်ကြီးကို စနစ်တကျ ပြင်ဆင်ပြီး ကျွန်မတို့ အိပ်ခန်းထဲ သွင်းလာပါတယ်။ အဲဒီအထိ ကျွန်မမှာ ဘာမှ မဖြစ်ဘူးနော်။
“မောင်ကလည်းကွယ်... ဧည့်ခန်းမှာပဲ ထားကြတာ ကြားဖူးပါတယ်... အလှမွေးတာပဲ” လို့ ကျွန်မကပြောတော့ သူက အပြုံးလေးနဲ့ “မောင်အမြဲမြင်နေရအောင်လို့ပါ” တဲ့။ ကဲ... ထားလိုက်ပါတော့။
သူစိတ်ချမ်းသာသလိုသာ လုပ်ပါစေဆိုပြီး ကျွန်မ အသာ လက်ပိုက်ကြည့်နေလိုက်ပါတော့တယ်။
သူနဲ့ကျွန်မ  LUCKY FISH သွားဝယ်ကြတဲ့အချိန်မှာ ကျွန်မ မျက်လုံးပြူးရပါတယ်။ ခေါင်ခိုက်နေတဲ့ ငါးဈေးတွေ။ အနီရောင်ငါးတွေက ဈေးပိုကြီးပါတယ်။ တချို့ဆို သိန်းသုံးဆယ်အထိ ဈေးရှိပါတယ်။ လက်မကျော်ကျော်လောက် သေးသေးကလေးတောင် ငါးသိန်းနဲ့ တစ်သိန်းကြားမှာ ရှိပါတယ်။
“ဈေးကြီးလိုက်တာ မောင်ရယ်” လို့ ကျွန်မလက်ကုတ်တော့ သူက “ဒီငါးက စီးပွားတက်တယ်၊ လာဘ်ရွှင်တယ် ချစ်ရဲ့။ လူတိုင်းမွေးကြတယ်” လို့ ဆိုပါတယ်။ နောက်ဆုံးတော့ တစ်ထွာကျော်ကျော်ရှည်တဲ့ ငွေမင်ရောင်ငါးတစ်ကောင်ကို ငါးသိန်းပေးပြီး သူဝယ်ယူလိုက်တော့ ကျွန်မက မိန်းမပီပီ နှမြောတသစိတ်နဲ့ ပင့်သက်ရှိုက်ပြီး ငြိမ်နေလိုက်ရပါတော့တယ်။
(၃)
ကြည်လင်တဲ့ မှန်ငါးကန်ကြီးထဲ အဲဒီငါး ရောက်တဲ့အချိန်ကစပြီး နောက်ထပ် လိုအပ်တာတွေက နှစ်ဆယ့်လေးနာရီ ဖွင့်ပေးထားမယ့် အောက်ဆီဂျင်လွှတ်စက်၊ ရေသန့်စင်ပေးတဲ့စက်၊ ရေကန်ထဲမှာ အလှထားတဲ့ ကျောက်ခက်လှလှကလေးတွေအပြင် ငါးစာဝယ်ရပါတယ်။ ငါးစာကလည်း တစ်ထုပ်ကို ခုနစ်ထောင်ကျော် ရှိပါတယ်။
“မောင်ရယ်... ငါးစာကလည်း တစ်ထုပ်ကို ခုနစ်ထောင်ကျော် ရှစ်ထောင်နား ကပ်နေပြီ။ ကျွန်မ ဒီလောက်တန်ဖိုးရှိတဲ့ အစာမျိုး မစားဖူးဘူး” လို့ ကျွန်မကပြောတော့ သူက ပြုံးမြဲပြုံးလျက်ပါ။ ရေကန်ထဲက ငါးကြီးကို အရိပ်တကြည့်ကြည့်နဲ့ ကြည်နူးသဘောကျနေတဲ့ဟန် ရှိပါတယ်။ သူ့မျက်လုံးတွေရဲ့ အကြည့်ဟာ ကျွန်မကို ချစ်သူဘဝကနေ သူကြည့်ခဲ့တဲ့ အကြည့်မျိုးနဲ့ ဆင်ဆင်တူလှပါတယ်။ တလက်လက် ရွှန်းပ ဖြာလက်နေတဲ့ အကြည့်လေ...။ ကျွန်မရင်ထဲ သဝန်တိုမှုဟာ အဲဒီအချိန်ကစတင်ပြီး ကျွန်မရင်ထဲ တိုးဝင်လာခဲ့တာ ထင်ပါရဲ့။
မနက်မိုးလင်းတာနဲ့ သူက ငါးကန်ရှေ့ရောက်နေပြီ။ တစိမ့်စိမ့်၊ တရွှန်းရွှန်းနဲ့ ငါးကြီးကို တမေ့တမော ထိုင်ကြည့်နေတာများ ခါတိုင်းလို... ကျွန်မကို...
“ချစ် နိုးပြီလား” လို့ အိပ်ရာထ နှုတ်ဆက်ဖို့တောင် သတိမရတော့ပါဘူး။ ခါတိုင်းဆို အိပ်ရာက နိုးတာနဲ့ ကျွန်မ ပထမဆုံး တွေ့မြင်ရတာက သူ့ရဲ့ချစ်မြတ်နိုးရိပ်တွေ လွှမ်းထုံနေတဲ့ မျက်ဝန်းအကြည့်တွေပါ။
အခုတော့ အဲဒီအကြည့်တွေကို LUCKY FISH က သိမ်းပိုက်ယူသွားခဲ့ပါပြီ။ ငါးကို အစာကျွေးလိုက်၊ ငါး အစာစားတာကို သဘောကျစွာပြုံးပြီး ငါ့သားကြီးက ဘယ်သို့ ဘယ်ချမ်းသာ၊ ဘာညာနဲ့ စကားတွေတတွတ်တွတ်ပြောနေတတ်တဲ့ သူဟာ ခါတိုင်း ကျွန်မကို ပီယဝါစာ ချစ်ခင်ကြင်နာဖွယ်စကားတွေ ဆိုဖို့ တဖြည်းဖြည်းနဲ့ မေ့လျော့ ပျက်ကွက်လာခဲ့ပါတော့တယ်။
(၄)
ညဘက် မီးပျက်တဲ့အခါ သူက ငါးကြီးဆီ ဓာတ်မီးတဝင်းဝင်း ထိုးကြည့်ပြီး
“ငါ့သားကြီးတော့ အောက်ဆီဂျင်မရရင် ဒုက္ခရောက်တော့မှာပဲ ချစ်ရေ... မောင်တို့ အင်ဗာတာဝယ်ရအောင်” လို့ ပူဆာပါတယ်။ အဲဒီနောက်တော့ အင်ဗာတာ သွားဝယ်လာပြီး မီးပျက်တာနဲ့ ငါးကြီး အောက်ဆီဂျင်ရဖို့ မီးချိန်းပေးရတဲ့ အလုပ်တစ်ခု ပိုလာပါတယ်။ တစ်ခါတစ်ခါဆို ငါးကြီးကို တစ်နေကုန် အင်ဗာတာ လွှတ်ထားပေးရတာမို့ ညဘက်ဆို လူတွေက မီးမှောင်မှောင်ထဲမှာ ငုတ်တုတ်။ ငါးကြီးက အင်ဗာတာနဲ့ အောက်ဆီဂျင်တွေရလို့။ 
သူက ဆိုလာပါသေးတယ်။
“ချစ်ရေ... ဈေးသွားရင် ဝက်သားအစအနလေးတွေ ၊ ငါးသလဲထိုးတို့၊ ပုဇွန်ပေါက်စနလေးတွေတို့ ဝယ်လာခဲ့ပါကွာ၊ ဒီကောင်ကြီးက သားစိမ်း၊ ငါးစိမ်းတွေလည်း ကြိုက်တယ်တဲ့”
“သြော် ၊ ကျွန်မက ငါးလေး ပုဇွန်လေး တစ်ကောင်နှစ်ကောင်ကို ဘယ်လိုလုပ် ဝယ်မှာတုန်း မောင်ရဲ့။ တောင်းရမှာလည်း အခက်။ ရှက်စရာကြီး” လို့ ကျွန်မက ပြောမိပေမယ့် ဈေးကပြန်လာတိုင်း ကျွန်မမျက်နှာပူပူနဲ့ တောင်းလာရတဲ့ ငါးသလဲထိုးကောင်လေးတွေ၊ ပုဇွန်ပေါက်စနလေးတွေကို သူ့လက်ထဲ ဆောင့်အင့်အင့်နဲ့ ထည့်မိတတ်စမြဲပါ။
သူကလည်း ကျွန်မဈေးကပြန်လာတာနဲ့ ခါတိုင်းလို
“ချစ်.. ဘာတွေချက်မလဲ” လို့ မမေးတော့ဘဲ
“ချစ်ရေ... ငါ့သားကြီးအတွက် ဘာပါလဲ” ဆိုတဲ့ မေးခွန်းဆီ ပြောင်းသွားပါပြီ။ အဲဒါကို သူသတိမထားမိပေမယ့် ကျွန်မကတော့ သတိထားမိနေပြီ။ 
ခါတိုင်းဆို အလုပ်ကပြန်လာတာနဲ့ ကျွန်မကို ဆီးကြိုပွေ့ဖက် နှုတ်ဆက်လေ့ရှိတဲ့ သူဟာ အခုတော့ ငါးကြီးရှိရာဆီ ဦးဦးဖျားဖျားသွားပြီး နှုတ်ဆက်တတ်နေပြီလေ။
(၅)
ငါးတစ်ကောင်ကို ကြံကြံဖန်ဖန် သဝန်တိုစရာမရှိ တိုနေပါလားလို့ လူတွေကတော့ ကျွန်မကို ပြစ်တင်ရှုတ်ချရင်ချမယ်။ ဒါပေမယ့် ကျွန်မကတော့ အဲဒီငါးကြီးကို အကြီးအကျယ်သဝန်တိုတတ်နေပြီ။ အထူးသဖြင့် မနက်မိုးလင်းတာနဲ့ မျက်နှာတောင်မသစ်နိုင်၊ ဘာအလုပ်မှ မလုပ်နိုင်ခင် ငါးကြီးကို ရွှန်းရွှန်းစားစား ထိုင်ကြည့်နေတတ်တဲ့ သူ့ရဲ့မျက်လုံးတွေကို ကျွန်မ မကြည်ဖြူနိုင်တော့ပါဘူး။
သူဟာ ဦးစားပေးခြင်းဆိုတဲ့ အရာအားလုံးကို ကျွန်မဆီကနေ သူ့ရဲ့ငါးကြီးဆီကို ပြောင်းလဲပေးပစ်လိုက်ပြီလေ။ ဒီငါးကြီးကြောင့် သူ့အလုပ်အကိုင်၊ စီးပွားရေးလုပ်ငန်းတွေ ပိုပြီးအဆင်ပြေတိုးတက်ပြီး လာဘ်ရွှင်လာတယ်လို့ သူက ထူးထူးကဲကဲ ယုံကြည်တတ်လာတဲ့အခါမှာ ကျွန်မက သူနဲ့ငါးကြီးကို ခွဲခွာဖို့ စိတ်ကူးရလာပါတယ်။
“မောင်ရေ... ကျွန်မတို့ ချောင်းသာ သွားရအောင်။ တပတ်လောက်ဖြစ်ဖြစ်ပေါ့... အနားယူရအောင်” လို့ ကျွန်မကမ်းလှမ်းလိုက်တော့ အမြဲလိုက်လျော သဘောတူနေကျ သူ့ဆီက ကမန်းကတန်း ငြင်းဆန်သံတစ်ခု ချက်ချင်းထွက်လာပါတယ်။
“ဟာ... ဘယ်ဖြစ်မလဲ ချစ်ရဲ့... ကိုယ့်ငါးကြီးရှိနေတာ သူ့ကိုတစ်ယောက်တည်း ထားပစ်ခဲ့လို့ ဘယ်ဖြစ်မလဲ။ မနက်ဆို သူ့ကို ဘယ်သူအစာကျွေးမလဲ၊ ဘယ်သူ အင်ဗာတာ ချိန်းပေးမလဲ”
“ဟင် ဒါဆို ကျွန်မတို့က ဘယ်တော့မှ ခရီးမထွက်ရတော့ဘူးပေါ့။ ဒီငါးကြီး ရှိနေသမျှလေ”
“ဒါပေ့ါ ဘယ်ဖြစ်မလဲ”
ကျွန်မ သူ့အပေါ် အမြင်မကတ်စဖူးကတ်သွားခဲ့ပါတယ်။ အမြဲဦးစားပေးခံနေရတဲ့ ကလေးတစ်ယောက် သူ့ထက်ပိုဦးစားပေးရမယ့် နောက်ထပ်တစ်ယောက်ပေါ်လာတဲ့အခါ မနာလိုစိတ်ဝင်တတ်ကြတာ ကျွန်မကြားဖူးပါတယ်။ အဲဒီကလေး ဘယ်လောက်ဝမ်းနည်းကြေကွဲမလဲဆိုတာ ကျွန်မ ကိုယ်ချင်းစာတတ်ပါပြီ။
အဲဒီအချိန်ကစပြီး ကျွန်မနဲ့သူဟာ အနီးဆုံးမှာ ရှိနေကြပါလျက် ဝေးသွားခဲ့ကြတာပါ။ သူက သူ့ငါးကြီးကို ချစ်ခင်မက်မောမှုအပြည့်နဲ့ ကြည့်လေ့ရှိတဲ့အခါတိုင်း ကျွန်မကတော့ အဲဒီငါးကြီးကို မနာလိုဝန်တိုမှု အပြည့်နဲ့ စူးစူးရှရှကြည့်နေတတ်ပါပြီ။

ကဲ... ကျွန်မ လွန်လားဟင်....။



လွန်းထားထား(ဆေးတက္ကသိုလ်)

စိတ်တစ္ဆေ


ဆူညံပြင်းထန်နေသော မိုးသံလေသံများမှအပ 
နောက်က ခြေသံလည်း 
တိတ်ဆိတ်စွာ ငြိမ်သက်နေသည်
စောင့်ကြည့်ကာ အခွင့်အရေးကို ချောင်းမြောင်းနေခြင်းလား
ဒီလောက် ရဲတင်းထုံပေသော လူတစ်ယောက်ဟာ 
ဘာအကြောင်းနှင့် သူမ၏   အိမ်တံစက်မြိတ်အထိ
ကပ်ပါလိုက်လာခဲ့ပါသနည်း

 ...........

ပြင်းထန်စူးရှသော မိုးချုန်းသံများနှင့်အတူ သူမ၏တကိုယ်လုံး လွင့်စင်ပြိုကွဲသွားတော့မတတ် တိုက်စားသယ်ငင် ပစ်လိုက်သည့် လေကြမ်းမုန်တိုင်းများ အသားများကို ခွဲရှနာကျင်စေသည့် မိုးသီးပေါက်ကြမ်းများနှင့်အတူ ရုတ်ချည်းမှောင်မိုက် ပိန်းပိတ်သွားသော ပတ်ဝန်းကျင်တွင် သူမတစ်ဦးတည်းနှင့် ချောက်ချားကျောစိမ့်စေသော ခြေသံတဖျပ်ဖျပ်ကို ကြားနေရ၏။ ပထမတော့ အဆမတန် ပင့်တိုက်ဆူညံနေသော လေဒဏ်မိုးသံများတွင် အာရုံစိုက်မိနေသောကြောင့် ပတ်ဝန်းကျင်ကို ဂရုမပြုမိခဲ့ပါ။ ပြီးတော့ သူမက အလွယ်တကူ ကြောက်ရွံ့တုန်လှုပ်တတ်သူ မဟုတ်ပါ။ ဟောက်စ်ဆာဂျင်ဘဝတုန်းက သေလုမျောပါး လူနာများနှင့် သေပြီးခါစ ကြောက်မက်ဖွယ် ရုပ်ပျက်ဆင်းပျက် လူနာများနှင့် ညပေါင်းများစွာ နပမ်းလုံး ရင်ဆိုင်ခဲ့စဉ်ကပင် သူမ သွေးမပျက်ခဲ့ဘူးပါ။ သွေးသံရဲရဲနှင့် အော်ဂလီဆန်ဖွယ်ကောင်းသော ညှီစို့ ပုပ်အဲ့ ဒဏ်ရာများနှင့် ကြောက်မက်သွေးလန့်ဖွယ် အော်ဟစ်ညည်းညူသံများကိုလည်း သူမ အပြုံးမပျက် ရင်ဆိုင်ကုသခဲ့ဖူးသည်။ 
ဤမျှ သတ္တိကောင်းသော သူမသည် စည်းချက်မမှန် တည်ငြိမ်မှုကင်းသည့် ခြေသံခပ်အက်အက်တစ်ခုကို ကျောမလုံ ချောက်ချားနေမိခြင်းသည် အနည်းငယ် ရယ်မောဖွယ်ကောင်းနေသော်လည်း ခုချိန်မှာ သူမရယ်ဖို့ သတိမရနိုင်ပါ။ သူမ၏ ထီးနက်ကလေးကို နောက်ကျောဘက် တစ်ခုလုံးကို ကွယ်ကာထားလိုက်သောကြောင့် ပြင်းရှသည့်မိုးဒဏ်မှ အကာအကွယ်မရှိ။ သူမစိုးရိမ်နေသည်မှာ ပင့်ဝှိက်ဝှေ့ယူနေသည့် လေဒဏ်ဖြင့် ထီးအမိုးပျက်စီးသွားမှာကိုပဲ ဖြစ်သည်။ သူမအတွက် အကာအကွယ်လုံးဝ ကင်းမဲ့ ယဲ့ယွင်းသွားတော့မည်။ ဒါဆို နောက်ကလူတွေအတွက် အသာစီးရနိုင်သွားတော့မည်။ အို... သေတော့မှာပဲ ထီးရွက်ပါးတစ်ခုဟာ သူမအတွက် လုံခြုံမှုပေးနိုင်ပါ့မလား။ ပြီးတော့ ရန်သူတစ်ယောက်အတွက်ရော အဟန့်အတား အပိတ်အဆို့တစ်ခု ဖြစ်နိုင်ပါ့မလား။ အချိန်မရွေး ထိုသူသည် သူမကို အလွယ်တကူ ရန်ပြုနိုင်သည်။ ဘယ်လောက် တုံးလိုက်သည့် အတွေးပါလဲ။ သူမစိတ်တွေ ဘယ်လောက် ယိုင်နဲ့ယိုယွင်းနေပြီလဲ။ သူမ၏စိတ်ဓာတ်များကို ဖဲ့ခြွေခိုးယူသွားသောအရာသည် ထိုခြေသံတစ်ခုပဲဖြစ်သည်။ 
ပိုမိုသည်းထန်လာသော မိုးပြင်းနှင့် လွှမ်းခြုံအုပ်စိုးလာသော အမှောင်ထုသည် ရန်သူအတွက် အခွင့်ကောင်းဖြစ်ပြီး သူမအတွက်တော့ မျှော်လင့်ချက်များ ဆိတ်သုဉ်းပြိုကွဲ ချောက်ချား တုန်လှုပ်လာစေသည်။ ဘယ်အချိန်မှာများ ထိုနောက်ကလူ သူမကို လှမ်းဆွဲ ရန်မူလိုက်မည်လဲဟု သတိမလွင့်စေဘဲ စောင့်စားနေရင်း တကယ်တမ်းအရေးကြုံလာလျှင် တုံ့ပြန်ခုခံဖို့ ကြံစည်တွေးတောနေရသေးသည်။ သူမ၏ဆေးအိတ်ထဲမှာတော့ ဆေးတချို့နှင့်နားကြပ်တစ်ခု ဖိအားတိုင်းကိရိယာတစ်ခုပဲ ပါသည်။ သူ့ထံမှာတော့ လက်နက်တစ်စုံတစ်ရာ ပါလာနိုင်သည်။ ဘုရားရေ သူမရှုံးနိမ့်ကျဆင်းဖို့က ရာနှုန်းပြည့်သေချာနေသည်။
သူမ ခြေလှမ်းကို မြှင့်တင်အားဖြည့်လိုက်သည်။ သူမ တစ်ဦးတည်းနေသော အိမ်ကလေးဆီရောက်ဖို့ အတော်လေးလိုနေသေး၏။ ဒီအတောအတွင်းမှာ တစ်စုံတစ်ခု ရုန်းရင်းဆန်ခတ်တွေ ဖြစ်လာနိုင်မည်လား။ သူမနောက်မှ ခြေသံသည်လည်း ပိုမိုအားကောင်း လျင်မြန်လာသည်မို့ သူမ စူးစူးရွားရွား အော်ဟစ်မိတော့မတတ် ကြောက်လန့်လာသည်။ သို့သော် အသံလှိုင်းတို့သည် သူမလည်ချောင်းအတွင်းမှာ တိမ်မြုပ်တွယ်ကပ်နေလေ၏။ ပတ်ဝန်းကျင်တိတ်ဆိတ်ကြီးစိုးခြင်းက သူမစိတ်ဓာတ်များကို ချိုးဖျက်ဖဲ့ခြွေနေသလိုပါပဲ။ 
သူမအတွက် ကံကောင်းခြင်းမှာ လမ်းတစ်လျှောက် ပတ်ဝန်းကျင်တွင် အကူအညီတစ်စုံတစ်ရာ မရရှိနိုင်တော့ခြင်းပင် ဖြစ်သည်။ လူသားသက်ရှိဆိုလို့ ဤလမ်းမှောင်မှောင်ကလေးတွင် သူမတစ်ဦးတည်းနှင့် နောက်ဘက်မှ ခြေသံပိုင်ရှင် လူတစ်ဦးသာရှိသည်။
ခြေသံသည် ပိုမိုလျှင်မြန်လာသည်နှင့်အမျှ ယိုင်နဲ့ပျက်ယွင်းလာသည်။ ခက်ခဲပင်ပန်းစွာ လမ်းလျှောက်နေရသူတစ်ယောက်၏ ခြေသံမျိုး။ သို့သော် အားတင်းစုစည်းထားဟန်လည်း ရှိသည်။ သူမကို ရန်ပြုဖို့ အားယူဖွဲ့စည်းနေသလိုပဲ။ သို့သော် သူသည် အရက်ပြင်းများ အများအပြားသောက်သုံးထားသည်မှာ သေချာသည်။ ယစ်မူးစူးရဲ ရနံ့မျာသည် မိုးစက်များမှတဆင့် သူမထံ သယ်ဆောင်ရိုက်ခတ်နေ၏။ မိစ္ဆာ၏ ဝိုင်ရနံ့သည် သူမကို မူးရီပြုစားနေသည်။ ပြီးတော့ သူမထံမှ စွမ်းအားများကို ခြွေသဲ့ယူနေလေသည်။ သူမခေါင်းထဲ ရီဝေမူးနောက်လာသည်။ သို့သော် ခြေလှမ်းများကို ပိုမိုသွက်တင်ပစ်လိုက်သည်။ သူမအိမ်ကို ရောက်သွားလျှင် အနည်းငယ်ကျိုးပဲ့နေသော သစ်သားတံခါးသည် သူမအတွက် အတိုင်းအတာ တစ်ခုအထိ လုံခြုံမှုတော့ ပေးနိုင်မည်ထင်သည်။ ဒီလူဟာ အိမ်ထဲအထိပါ ထိုးဖောက်ဝင်ရောက်လာဦးမည်လား။ ဟင့်အင်း။ တစ်ဖက်အခန်းကို သူမ အော်ဟစ်အကူအညီတောင်းရမည်။ တံခါးကို ချိုးဖျက်ထုရိုက်ပြီး ဝင်လာမည်ဆိုလျှင်တော့ သူမသည် ဓားမြှောင်တစ်ချောင်းကိုင်ပြီး စောင့်နေရမည်။ ပြီးတော့ သူ၏ ဝမ်းဗိုက်အတွင်းသို့ တဆုံးထိုးသွင်း စီရင်ပစ်လိုက်မည်။ အခုလောလောဆယ် သူသည် သူမကို ရန်မူဖို့ မကြိုးစားနိုင်သေးသည်မှာ သူမ ကံကောင်းနေသေး၍ ဖြစ်သည်။
သူမအတွက် ဆက်လက်ကံကောင်းနေခြင်းလား၊ ကံဆိုးမိုးမှောင်ကျရောက်ခါနီး ဖြစ်လာခြင်းလား၊ မဝေခွဲတတ်စွာပင် သူမ၏ လူခြေတိတ်ဆိတ်သော အိမ်ကလေးဆီသို့ ရောက်ရှိလာခဲ့သည်။ နောက်က ခြေသံသည် ပိုမိုလေးနှေးကွေးကာ တစ်လှမ်းချင်း ခပ်ကျဲကျဲလှမ်းနေရသလိုမျိုး ။
ရပ်ကွက်လေးထဲမှာ ကြောက်မက်ဖွယ်ကောင်းလောက်အောင် တိတ်ဆိတ်မှောင်မိုက်လျက်၊ သည်းထန်စူးရှသောဒဏ်၏ အောက်တွင် အေးလူငြိမ်သက်စွာ အိပ်စက်နေကြပြီထင်၏။ လမ်းမီးရောင် မှိန်ဖျော့လေးသည် ပျက်စီးလောင်ကျွမ်းသွားဖို့ အားယူနေသလို တဖျပ်ဖျပ် ခတ်နေသည်။
သူမသည် မည်းမှောင်အေးစက်သော သူမ၏ အိမ်တံစက်မြိတ်သို့ ရောက်လာခဲ့တော့သည်။ ဟိုဘက်ခန်းကို လှမ်းကြည့်မိစဉ်မှာ သူမအကြီးအကျယ် စိတ်ဓာတ်ကျဆင်းသွားခဲ့သည်။ အိမ်တံခါးများ အလုံပိတ်လျက် မီးရောင်မျှပင် မမြင်နိုင်တော့လောက်အောင် မှောင်မိုက်တိတ်ဆိတ်နေပြီး စောစီးစွာ အိပ်ရာဝင်တတ်ကြသည့် အဘိုးကြီး အဘွားကြီးတွေပဲ။ 
သူမ တံခါးကိုသော့ဖွင့်နေစဉ် တဝှီးဝှီး ဆူညံပြင်းထန်နေသော မိုးသံလေသံများမှအပ နောက်ကခြေသံလည်း တိတ်ဆိတ်စွာ ငြိမ်သက်နေသည်။ စောင့်ကြည့်ကာ အခွင့်အရေးကို ခြောင်းမြောင်းနေခြင်းလား။ ဒီလောက် ရဲတင်းထုံပေသော လူတစ်ယောက်ဟာ ဘာအကြောင်းနှင့် သူမ၏အိမ်တံစက်မြိတ် အထိ ကပ်ပါလိုက်လာခဲ့ပါသနည်း။ သူ ဘာကို လိုချင်တာပါလိမ့်။ ပစ္စည်းလိုချင်ရုံလောက်နှင့် ဆိုလျှင်တော့ လမ်းမှာတင် ကိစ္စပြတ်ခဲ့မှာပဲ။ လုယူထွက်ပြေးသွားနိုင်လောက်အောင် အခြေအနေကောင်းတွေ သူရရှိနေခဲ့တာပဲ။ 
လူတစ်ယောက် ဝင်လာလောက်အောင်သာ တံခါးကို အလွန်တရာ မြန်ဆန်စွာဖွင့်လိုက်ပြီး သူမ တွန်းတိုက် တိုးဝင်လိုက်ခဲ့သည်။ ပြီးနောက် တံခါးချက်ကို အလျှင်အမြန် ချလိုက်၏။ ထိုအခါကျမှ သူမကိုယ်သူမ အကြောအစိုင်များ ပြေလျော့ပြတ်ကျကုန်ပြီး သူမ ကြမ်းပြင်ပေါ် ဒူးထောက် ကျဆင်းလဲကျခဲ့တော့သည်။ အပြင်ကို အာရုံစူးစိုက် နားစွင့်လိုက်ပြီး သူမ ရင်တဒိတ်ဒိတ် ခုန်နေလေသည်။ ဘယ်အချိန်မှာ ထိုသူသည် တံခါးကို ဝုန်းခနဲ ဖြိုခွဲဝင်ရောက်လာမည်လဲ။ ဒါမှမဟုတ် သူ့တွင်ပါလာနိုင်သည့် ဓားချွန်မြမြဖြင့် ထိုးဖြတ် ပျက်စီးစေမည်လား။
အမှောင်ထဲတွင် သူမ၏ အသက်မျှင်းမျှင်းရှူသံများသည် မိုးသံများကြားတွင် တိုးလျနစ်မြုပ်နေခဲ့သည်။ ဒီလိုပဲ အပြင်ကလူ၏ လှုပ်ရှားမှုတစုံတရာသည်လည်း ထစ်ချုန်းမြည်ဟီးသံများကြားတွင် ပျောက်ဆုံး အကာအကွယ် ရနေနိုင်သည်။ အား... သူမ ကြက်သီးတဖြန်းဖြန်းထလျက် ခါးခါးသီးသီး ကြောက်ရွံ့လာသည်။ အစွမ်းကုန် အော်ဟစ်လိုစိတ်များသည် လည်ချောင်းနေရာ အနှံ့အပြားတွင် နစ်ဝင်စူးမြုပ်နေကြသည်။ သူမအတွက် ကူညီခြင်းဟူသော အလင်းရောင်သည် ရိုးရိပ်ဖျော့တော့မျှပင် ရောက်ရှိမလာခဲ့။
လျှပ်စစ်မီးများ ဖွင့်ဖို့တော့ သူမ ကြိုးစားရဦးမည်။ အမှောင်ထုသည် လူတစ်ဦး၏စိတ်ဓာတ်ကို ရိုက်ချိုးဖျက်ဆီး ပစ်နိုင်သည် မဟုတ်ပါလား။ အလင်းရောင် အပိုင်းအစများသည်ပင် ခုချိန်မှာ သူမအတွက် ခွန်အားဖြစ်လာနိုင်သည်ပဲ။ ဒူးများကို မသယ်နိုင်တော့သောကြောင့် သူမ တရွတ်တိုက်ဆွဲလျက် မီးခလုတ်များရှိရာသို့ စီးမျောရွေ့လျားသွားသည်။ မီးခလုတ်ဆီ မရောက်သေးမီမှာပင် တစ်စုံတစ်ရာ အသံတစ်ခုသည် မိုးသံကိုခွင်းလျက် သူမဆီ ပြေးဝင်လာလေသည်။ တစ်စုံတစ်ခု ပြိုလဲကျဆင်းသွားသောအသံ။ သစ်သာနှင့် ခပ်လေးလေး ထိတိုက်သွားသံတစ်ခု။ အပြင်ကလူ လဲကျ မူးမျောသွားခြင်းလော။ ဒါမှမဟုတ် ဦးနှောက် သွေးကြောပြတ်ကာ သေဆုံးကျလဲသွားတာလည်း ဖြစ်နိုင်သည်။ ထိုစဉ်မှာပင် လေးပေချောင်း မီးဖြူကလေး လင်းလက်လာခဲ့သည်။ သူမ စိတ်ဓာတ် အတန်အသင့် ဖွံ့ဖြိုးရှင်သန်စ ပြုလာသည်။
အပြင်ကလူ တစ်ခုခုဖြစ်တာကတော့ သေချာသွားပြီ။ ဒါကြောင့်ပဲ သူမ စိတ်ချပေါ့ပါးသွားတာလား။ အနည်းငယ် ရယ်မောလိုစိတ်တွေသည် တင်းကျပ်ဆို့ပိတ်နေသော သူမရင်ခွင်ထဲ ထိုးဖြတ်ဖြိုခွင်း၍ ဝင်လာသောကြောင့် သူမ ခပ်တိုးတိုး ရယ်သံထွက်ကြည့်လိုက်သည်။ သို့သော် အက်ကွဲသွေ့ရှသော ညည်းညူသံတစ်ခုအဖြစ်သာ သူမ လည်ချောင်းထဲမှ ဖြတ်စီး ထိုးခွဲ ထွက်လာခဲ့သည်။ နေပါစေ။ သူမ အတော်လေး စိတ်ငြိမ်သက်သွားပြီ။  စိတ်ငြိမ်ဆေး နှစ်ပြား ခပ်သွက်သွက် စားလိုက်ပြီး သူမအဝတ်အစားများ လဲလိုက်သည်။ ပြီးနောက် ထုံးစံလို မီးမမှိတ်တော့ဘဲ ခုတင်ပေါ် တက်လှဲနေသည်။ ခဏအကြာမှာတော့ သူမမျက်လုံးများ မှေးစင်းလေးလံလာတော့သည်။ သူမ စိတ်ချစွာ မအိပ်စက်ရဲသေးမှန်းကို သိနေရင်းကပင် ဘယ်လိုမှ မထိန်းသိမ်းနိုင်စွာ အိပ်ပျော် မှိတ်စက်သွားရတော့၏။ သိပ်ကိုလည်း ပင်ပန်းနာကျင်ခဲ့သည်ပဲ။ သူမတစ်ကိုယ်လုံးကို တစ်စုံတစ်ရာနှင့် ဖိသိပ်ကျပ်ခဲထားသလို ပိဆိုင်းထိုင်းမှိုင်းနေလေသည်။ ထိုနောက်တော့ သူမ ကမ္ဘာလောကတစ်ခုလုံး မောပန်းဖျားနာစွာ အိပ်မောကျ မှောင်မိုက်သွားခဲ့တော့သည်။
သူမ စတင်အာရုံဝင်လာတာက တံခါးသံ တိုးသဲ့သဲ့ဖြစ်သည်။ ညက အဖြစ်အပျက်အားလုံးတို့သည် သူမခေါင်းထဲ စူးစူးရှရှ ဝင်ဖြတ်စီးလာသည်။ ညကလူ တံခါးခေါက်နေခြင်းများလား။ မိုးလင်းနေတာတော့ သေချာသည်။ လောက၏အသံများသည် အလင်းကမ္ဘာကို အသက်ဝင်နေစေသည်။ ကြောက်ရွံ့တုန်လှုပ်ခြင်းများလည်း ဆန်းကြယ်စွာ ဝေးလွင့်ပျောက်ဆုံးနေသည်။ သို့သော် သူမ ထ၍မရတော့။ လှုပ်ရှားမှုအသေးအဖွဲကလေးအတွက်ပင် သူမ အားစိုက်မထုတ်နိုင်လောက်အောင် ပင်ပန်းလေးလံနေတယ်။ ပြီးတော့ သေချာသေးသည်မှာ သူမ အပြင်းအထန် ဖျားနေပြီဆိုတာပဲ ဖြစ်သည်။ အဖျားဆိပ်သည် ဘယ်စဉ်ကတည်းက သူမကိုယ်ထဲ ဝင်ရောက်နေခဲ့သည်တော့ မသိ။ ခုချိန်မှာတော့ အတော်ရင့်သန်ဖိစီးနေသော အဖျားဆိပ်သည် စူးရှပျံ့နှံ့စွာ သူမတစ်ကိုယ်လုံးကို ပူခြစ်တောက်လောင်တော့မတတ် တုန်ရီမူးမိုက်ခြင်းများဖြင့် ချုပ်နှောင်ဖိစီးထားတော့သည်။
သို့သော် သူမ တံခါးဝသို့ ရောက်အောင် သွားရဦးမည်။ အပြင်ကလူ၏ အခြေအနေကို သိဖို့ ပတ်ဝန်းကျင်၏ အကူအညီကိုယူဖို့ ....
သူမ ခုတင်ပေါ်မှ လှိမ့်ဆင်းချလိုက်ပြီးနောက် တွားသွားသလို တရွတ်တိုက်ဆွဲကာ ပင်ပန်းဆင်းရဲနာကျင်စွာ တံခါးဝဆီ လျှောဆင်းလာခဲ့သည်။ သူမကိုယ်ခန္ဓာမှာ တဆတ်ဆတ် တုန်ရင်ပေါ့ပျက်နေသည်။ မူးမောအော့အန်လိုစိတ်များ လျှံဝေလျက် အင်အားများ ဆုတ်ယုတ်ပျက်စီးနေပြီပဲ။ ရင်ထဲကနှလုံးသည် အပြင်သို့ ပြိုဆင်းဖိတ်စင်ကျလာတော့မတတ် ခုန်ပေါက်ပြင်းထန်နေ၏။ လည်ချောင်းအတွင်းမှာ လှိုက်စားလောင်ကျွမ်းနေသော မီးစများ ပြန့်ကျဲစင်နှံနေသလို။
စွမ်းအားသုံးကာ တံခါးချက်ကို ကိုယ်ကိုမြှင့်၍ ဆွဲချပေးလိုက်ပြီးနောက် သူမ အရုပ်ကြိုးပြတ်ပြိုလဲသွားတော့သည်။ 
“ဟင်... ဒေါက်တာ၊ ထင်တဲ့အတိုင်းပါပဲလား။ မနေ့က မိုးပြင်းမိပြီး ဖျားနေပြီကိုး။ ကျွန်မတို့ မနက်အစောကြီးကတည်းက ထလာမလို့။ မနေ့က ဒေါက်တာတစ်ယောက်တည်း မိုးထဲလေထဲ ပြန်လာတာ တွေ့ကတည်းက မနက် ဖျားတော့မှာပဲလို့ စိတ်ပူနေတာ... တော်ပါသေးရဲ့။ တံခါးလာဖွင့်ပေးနိုင်သေးလို့”
ဟိုဘက်ခန်းက အဘွားကြီးအသံပဲ။ သူမ အဘွားကြီးကိုကျော်လျက် အနောက်သို့လှမ်းကြည့်လိုက်သည်။ အံ့သြစဖွယ် တစ်စုံတစ်ရာမှ သံသယဖြစ်စရာ မတွေ့ပါ။ ဟိုလူ လဲကျသေဆုံးနေခြင်းမျိုး ရှိမနေခဲ့။ ဒါမှမဟုတ် မူးမေ့သွားရာကနေ သတိပြန်လည်လာပြီး ပြန်လည်ထွက်ခွာသွားတာလည်း ဖြစ်နိုင်သည်။ ဒါဆိုရင်တော့ ဒီအဒေါ်ကြီးတွေ မြင်နိုင်မှာပဲ။
“လူ... လူတစ်ယောက် တွေ့လား။ ထွက်သွားတာ”
လေးလံတိုးတိတ်စွာ မပီသရောပြွမ်းနေသော အသံကို အဘွားကြီး မနည်းနားထောင်ယူရပုံရှိသည်။ အံ့သြစွာ သူမကို ကြည့်ပြီး ....
“ဟင့်အင်း... ဘာလူတစ်ယောက်မှ မတွေ့ပါဘူး။ ဘာဖြစ်လို့ပါလိမ့်။ ဒေါက်တာ အဖျားတက်ပြီး ကယောင်ကတမ်းတွေ ဖြစ်ကုန်ပြီထင်ပါရဲ့။ ကိုအုန်းခိုင်ရေ လာပါဦး။ ဒေါက်တာ့ကို ဆေးခန်းပို့ရအောင်။ ဟုတ်ပါရဲ့ ကိုယ်တွေများ မီးခဲလိုပဲ ပူလိုက်တာ”
အဘွားကြီး၏ ရေရွတ်ညည်းညူသံများကြောင့် သူမခေါင်းတွေ ပိုမို မူးရီလာသည်။
“နေပါဦးအဒေါ်၊ ကျွန်မသတိရှိနေပါတယ်။ မေးတာ ဖြေစမ်းပါ။ လူတစ်ယောက်လေ ကျွန်မအိမ်ရှေ့မှာ လဲပြုကျနေတာမျိုး”
“ဟင့်အင်း။ ဘယ်သူမှ မရှိဘူး ဒေါက်တာ။ မနေ့ညက ဒေါက်တာပြန်လာပြီးကတည်းက ဘာလူမှ ကျွန်မတို့အိမ်ရှေ့ ရောက်မလာတော့ဘူး။”
“မနေ့ညက ကျွန်မနောက်က ကပ်ပါလာတဲ့ လူတစ်ယောက်လေ အဒေါ်။ အဒေါ် ကျွန်မပြန်လာတာကို တွေ့တာ သေချာရဲ့လား။ ကျွန်မပြန်လာတော့ အဒေါ်တို့အိမ် မီးတွေမှိတ်ထားပါပြီ။”
“ကျွန်မတို့အိမ် ညက မီးပျက်နေလို့ပါ။ ကျွန်မတို့လင်မယားနှစ်ယောက်စလုံး ဧည့်ခန်းမှာ ထိုင်နေကြတာပဲ။ ဒေါက်တာပြန်လာတာ ကျွန်မတို့ နှစ်ယောက်လုံး တွေ့တာပဲ။ လှမ်းသာ မခေါ်ဖြစ်တာ”
တစ်ခုခုတော့ မှားယွင်းနေပြီဆိုတာ သူမသိလိုက်သည်။ သူမ ငြိမ်သက်တိတ်ဆိတ်စွာ စိတ်အနှောင့်ယှက် ဖြစ်နေတော့၏။ မကြာခင်မှာ ရပ်ကွက်ထဲက ဆရာဝန်တစ်ယောက်ကို အဘိုးကြီးပင့်လာတာ၊ သူမကို ဆေးထိုး ဆေးတိုက် လုပ်ပေးနေတာတွေကို သတိမလစ်ဘဲ သူမခံနိုင်ရည် တင်းနေခဲ့သည်။
လောကကြီးနှင့် သူမ အကြားရှိ အစပ်အဆက်တစ်ခု ချို့ယွင်းသွားခြင်း များလား။ သူမ မနေ့က အဖြစ်အပျက်တွေကို ပြန်တွေးတောကြည့်သည်။ ဆေးခန်းမှာ အရက်အလွန်အကျွံမူးနေသော လူနာတစ်ယောက်ကို နောက်ဆုံးကုသပေးပြီးနောက် ဆေးခန်းအပေါ်ထပ်မှာ သော့တက်ပေးပြီး အိမ်ရှင်တွေ ကြည့်နေသော မကောင်းဆိုးဝါး သရဲကားတစ်ကားကို ခဏတစ်ဖြုတ်ဝင်ကြည့်ခဲ့ပြီး သူမ တစ်ဦးတည်းပြန်လာခဲ့သည်ပဲ။ မိုးများ သည်းမိုက်စွာ ရွာသွန်းမှောင်ပိန်းလာစဉ်မှာ သူမ အရက်နံ့နှင့်အတူ ခြေသံတစ်ခုကို စတင်ကြားမိ ချောက်ချားလာခဲ့မိခြင်း ဖြစ်သည်။ ထိုစဉ်က ကြည့်ခဲ့သော သရဲကားကိုပင် ပြန်မတွေးမိအောင် သူမ ထိန်းသိမ်းမေ့ပျောက်ထားခဲ့သေးသည်။ အရက်နံ့နှင့် ခြေသံကို သူမတကယ်ပဲ ခံစားနေခဲ့ရတာ သေချာပါသည်။ ဘာတစ်ခုခုများ မှားယွင်းနေပြီလဲ။ 
သူမ အနောက်မှာ လူတစ်ဦး ယိုင်နဲ့နီးကပ်စွာ လိုက်ပါလာခဲ့ပါသည်။ ညအမှောင်မှာ ခြေသံတရှပ်ရှပ်ကို သူမ တကယ်ပီသစွာ ကြားခဲ့၏။ ပိုသေချာသေးသည်မှာ အိမ်ဝမှ တစ်ခုခု ပြိုလဲကျဆင်းခဲ့တာ သေချာပါသည်။ သူမဆီမှာ သေချာမှုတစ်မျိုး တွယ်ကပ်ကျန်နေသေးသည်။
ထိုနေ့က တစ်နေ့လုံး သူမ အိပ်ပျော်တလှည့်၊ တွေးတောတလှည့်ဖြင့် အဖြစ်အပျက်ကို သံသယရှိနေခဲ့သည်။ အဒေါ်ကြီးကတော့ အသေအချာပင်။
“ဒေါက်တာတစ်ယောက်တည်းပါ။ ဘယ့်နှယ့် လူတစ်ယောက်ပါလာရမှာလဲ။ ကျွန်မတို့ သေချာတွေ့နေခဲ့တာပဲ။ နေပါဦး ဒေါက်တာ တစ္ဆေတွေ ဘာတွေများ ဝင်ပူးခံရပြီလား။ ခုဟာ မဖြစ်နိုင်သေးပါဘူး။ ဒေါက်တာ တစ်ခုခု စိတ်စွဲခဲ့တာ ဖြစ်ပါလိမ့်မယ်။ ဒေါက်တာ့အနောက်မှာ လူလုံးဝမပါတာ ကျွန်မရော ကိုအုန်းခိုင်ပါ ကျိန်ပြောရဲတယ်။ သေချာပါတယ်။ ဒေါက်တာ မှားနေတာ။”
သူမ တကယ်ပဲ မကောင်းဆိုးဝါး တစ်ကောင်ကောင်၏ ဝင်ရောက်စီးနင်း ပူးကပ်ခြင်းကို ခံခဲ့ခြင်းကို ခံခဲ့ရခြင်းလော။ စွဲကပ် စူးရဲသော အရက်နံ့သည် သူမ၏ နောက်ဆုံးလူနာကို ကုသခဲ့စဉ်ကအတိုင်း ခြေသံ တဖျပ်ဖျပ်သည်လည်း သူမ နောက်နားမှာ ကပ်လျက်။ သူမဘာတစ်ခုခုကို စိတ်စွဲခဲ့မှာပါလဲ။ သူမ တကယ် ကြုံတွေ့ရင်ဆိုင်ခဲ့ရခြင်း ဖြစ်သည်ပဲ။
“သူ တံခါးဝမှာ လဲကျသွားသံကိုလည်း ကျွန်မ ကြားခဲ့ရပါသေးတယ် အဒေါ်ရယ်။ ကျွန်မ တကယ်ဖြစ်ခဲ့တာပဲ ထင်တယ်”
“ကျွန်မတို့ အိမ်ရှေ့က ကုက္ကိုကိုင်းတစ်ကိုင်း မိုးဒဏ်လေဒဏ်နဲ့ ပြိုကျခဲ့သေးတယ် ဒေါက်တာ။ အဲဒီအသံဖြစ်မှာပါ။ ဒေါက်တာစိတ်ထင်နေတာပါ။ စိတ်အေးအေးထားလိုက်ပါ။ အားရှိသွားအောင် အိပ်လိုက်နော်။ ကျွန်မတို့ စောင့်နေမယ်”
အသံသည် တိုးတိတ်ပျောက်ကွယ်သွားသည်။ သူမ စိတ်ဒဏ်ရာသည် ပိုမို ပြင်းထန်စူးရှလျက်။ သံသယသည် မှေးမှိန်ပျောက်ကွယ်သွားလိုက် တောက်ပအရောင်လက်လာလိုက် နှင့် သူမဦးနှောက်များကို ဖဲ့ခြွေ တိုက်စားနေသည်။ မိုးတစ်ည၏ စိတ်တစ္ဆေသည် သူမအား ဖမ်းစားခြောက်လှန့်ခဲ့သည်လား။ သူမ ချောက်ချားစွာ သက်ပြင်းရှိုက်လိုက်လေသည်။ 
ကမ္ဘာလောကကြီး နှင့် သူမအကြားတွင် တစ်စုံတစ်ရာ ပြတ်တောက်ကင်းမဲ့လျက်။



လွန်းထားထား ၊ဆေးတက္ကသိုလ်၊
ရွှေအမြုတေရုပ်စုံမဂ္ဂဇင်း (အမှတ်၁၂၊ စက်တင်ဘာလ၊ ၁၉၉၀)
[ရွှေအမြုတေ ဝတ္ထုတို ၆၀ စုစည်းမှု]

စိတ်ကူးသက်သက်



(က)
သူမရင်ထဲတွင် သက်ပြင်းကလေး ခပ်တိုးတိုး တစ်ချက်ချမိသည်။ ဒီ ဘတ်စ်ကားမှတ်တိုင်ကလေးဆီ ရောက်တိုင်း သူမရင်ခုန်လှုပ်ရှားစမြဲဖြစ်သည်။ သိပ်တော့မကြာလှသေးပါ။ လွန်ခဲ့သော တစ်ပတ်လောက်ကမှ စတင်ခဲ့ခြင်းဖြစ်သည်။ များသေားအားဖြင့် ဒီဘတ်စ်ကားမှတ်တိုင်ကလေးမှာ လူတော်တော်ရှင်းလေ့ရှိပါသည်။ ဘတ်စ်ကားတစ်စီးလာဖို့ဆိုလျှင် အတော်ကြာအောင် စောင့်ရတတ်သည်။ ဟိုးအရင်တွေတုန်းက ဘတ်စ်ကားစောင့်ရတာကို စိတ်မရှည်၊ ငြီးငွေ့ခဲ့ဖူးသော်လည်း လွန်ခဲ့သောတစ်ပတ်လောက်မှစ၍  သူမစိတ်တွေ ပြောင်းလဲလာခဲ့သည်။
သူမစိတ်ကို ပြောင်းလဲပေးခဲ့သော အရာမှာ စူးရှချိုမြိန်သော မျက်ဝန်းတစ်စုံဖြစ်သည်။ ထိုမျက်ဝန်းတစ်စုံကို လူငယ်လေးတစ်ယောက်က ပိုင်ဆိုင်ပါသည်။ သူ့ပုံစံကလေးမှာ အရပ်မြင့်မြင့်၊ သွယ်လျလျနှင့် ဆံပင်ကလေး တွေက ဖြောင့်စင်းမနေဘဲ ခွေတွန့်တွန့်ကလေးတွေ ဖြစ်သည်။ လူပုံစံကလေးက ဂျစ်ကန်ကန်၊ အပိုးမကျိုးသော အရုပ်ကလေးနှင့် သူမကိုစောင့်ကြည့်သော မျက်ဝန်းတွေက ညှို့ငင်နိုင်စွမ်းအပြည့်ရှိသည်။ ထိုကောင်ကလေးကို လွန်ခဲ့သော တစ်ပတ်လောက်က စတင်၍ သတိထားမိခဲ့ကာ သူကလည်း သူမအလာကို အချိန်မှန်မှန်လာစောင့်နေသလိုပင် တစ်ရက်မပျက် ဒီနေရာကလေးမှာ ရှိနေခဲ့လေသည်။ ပြီးတော့ ခပ်လှမ်းလှမ်းမှနေ သူမဆီသို့ အကြည့်ဆိုးဆိုးဖြင့် စိုက်ငေးကြည့်နေတတ်သည်။ သူ့ပုံစံကလေးက ခေတ်လူငယ်တစ်ယောက်လို တီရှပ်အမည်းနှင့် ဂျင်းဘောင်းဘီကိုသာ အမြဲတမ်းဝတ်လေ့ရှိသည်။ သူမနှင့်သူ မျက်လုံးအကြည့်ချင်းဆုံဖြစ်ကြသည်ကလွဲလို့ ထိုတစ်ပတ်အတွင်း ဘာမှမထူးခြားပါ။
ဘတ်စ်ကားလာလျှင် သူမတက်သော ဘတ်စ်ကားပေါ်သို့ သူပါလိုက်တက်ကာ သူမကို ငေးကြည့်တတ်မြဲဖြစ်သည်။ တဖြည်းဖြည်းနှင့် သူမရင်ထဲတွင် သာယာယစ်မူးသောစိတ်ကလေး ဘယ်ကနေ ဘယ်လို စိမ့်ဝင်လာခဲ့သည်မသိဘဲ ယစ်မူးချိုမြိန်လာခဲ့သည်။ ရင်ခုန်တိမ်းမူးဖွယ် စိတ်ကူးအိပ်မက်သည် ထိုအချိန်မှ စတင်ခဲ့တာဖြစ်သည်။
(ခ)
သူမ၏ ဘဝတလျှောက်လုံးတွင် ချစ်သူဟူ၍ တစ်ခါမျှ မထားခဲ့ဖူးချေ။ တကယ်တော့ သူမ၏ရုပ်ရည်က အချောအလှစာရင်းထဲမှာ မပါဝင်ပါ။ သူမ၏မျက်နှာပေါ်ရှိ မျက်ခုံး၊ မျက်လုံး၊ နှာတံ၊ နှုတ်ခမ်းတို့မှာ ဘာတစ်ခုမှ ထူးထူးခြားခြား အသိအမှတ်ပြုလောက်စရာ အလှအပမရှိပါ။ ထူးခြားတာတစ်ခုကတော့ သူမ၏ ဒူးခေါက်ခွက်အထိ ရှည်လျားလှသော ဆံပင်အုံထူထူအရှည်ကြီးပင်ဖြစ်သည်။ ထိုဆံပင်တွေက သူမအတွက် အထူးခြားဆုံး ကျက်သရေတစ်မျိုးဖြစ်ခဲ့သည်။ သူမ၏ ရှေးကုသိုလ်ဟုပင် ဆိုရမလိုပင်။ လူတိုင်းက သူမဆံပင်တွေကိုမြင်တိုင်း တအံ့တသြ သဘောကျနှစ်ခြိုက်ကြမြဲဖြစ်သည်။ သူမ၏ဆံပင်သားတွေမှာ ပိုးသားမျှင်တွေလို တောက်ပြောင်သန်စွမ်းလျက် နက်မှောင်ထူထဲလှပေသည်။ လူတကာက သူမကို အနောက်ကနေ မြင်ပြီးလျှင် သူမ၏မျက်နှာကို သဲကြီးမဲကြီး လိုက်ကြည့်ကြမြဲဖြစ်သည်။ သူမ၏မျက်နှာကို မြင်လိုက်ရချိန်မှာတော့ သူတို့၏စိတ်ဝင်စားမှုက အနည်းငယ် လျော့ပါးသွားတတ်သည်။ ဆံပင်တွေက ထူးထူးခြားခြား ဆွဲဆောင်မှုရှိသလောက် သူမ၏မျက်နှာက ထူးထူးခြားခြား မလှပဘဲကိုး။
အဲသည်ထက် ပိုဆိုးသည်က သူမသည် မျက်နှာကို ဘာမျှ ခြယ်သခြင်းမရှိခြင်းပင်။ နှုတ်ခမ်းနီကလေးပင် မဆိုးတတ်ချေ။ ခပ်ရိုးရိုး ခပ်အေးအေးသာ နေတတ်ခဲ့သူဖြစ်သည်။ သို့သော် ထိုစိတ်ကူးအိပ်မက်ကလေး စတင်ခဲ့ချိန်မှစ၍ သူမက မျက်နှာကို ပေါင်ဒါခပ်ဖုံဖုံ ရိုက်တတ်ခဲ့သည်။ နှုတ်ခမ်းနီ ခပ်ပါးပါး ဆိုးခြယ်တတ်ခဲ့ပြီ။
(ဂ)
တကယ်တမ်းပြောရလျှင် သူမဘဝမှာ ယခုတစ်ကြိမ်သည် ပထမဆုံးသော ရင်ခုန်ရခြင်းဖြစ်သည်။ ကောင်ကလေးက သူမထက်တော့ ငယ်ပုံရှိသည်။ သို့သော် အဲဒါက အရေးမကြီးပါ။ သူဟာ သူမကို စိတ်ဝင်တစားဖြင့် စောင့်ကြည့်နေခဲ့တာတော့ သေချာသည်။ ဘယ်အချိန်မှာ သူမကို စကားလာပြောမလဲလို့
သူမက စိတ်လှုပ်ရှား ရင်တဖိုဖိုဖြင့် စောင့်ဆိုင်းနေခဲ့လေသည်။
အကယ်၍ သူဟာ သူမကို ချစ်စကားဆိုလာခဲ့လျှင် သူမ ဘယ်လို ဆုံးဖြတ်ရမှာပါလိမ့်။ အို... ချက်ချင်းကြီးတော့ အဖြေပေးဖို့ မသင့်တော်ပါဘူးလေ။ တစ်လ၊ နှစ်လလောက်တော့ စဉ်းစားဦးမည်ဟု အချိန်ယူကာ မူလိုက်ဦးမည်ဟု စိတ်ထဲမှာ ကြံစည်ထား၏။ အဲသည်နောက်တော့ သူနှင့်အတူ လက်ချင်းတွဲကာ လူတွေကြားထဲမှာ လျှောက်သွားကြမည်။ ရုံးမှာ သူမကိုမြင်တိုင်း...
“အပျိုကြီး... မစွံသေးဘူးလား”
ဟုမေးတတ်သည့် ရုံးသူ ရုံးသားတွေကို သူမမှာ ချစ်စရာလူငယ်ကလေးတစ်ယောက်ရှိခဲ့ပြီ ဖြစ်ကြောင်းကို သက်သေပြဦးမည်။
အတွေးစိတ်ကူးဖြင့်ပင် သူမက ရှက်သွေးဖြာသွားကာ ပြုံးတွန့်တွန့်ကလေး ဖြစ်မိသေးသည်။ သူမ၏စိတ်ကူးကို သူများစိုးရိမ်သွားမလားဟု စိုးရိမ်ရင်ဖိုစွာဖြင့် သူ့ဆီ မသိမသာ ခိုးကြည့်မိတော့ သူက သူမကို စူးစူးစိုက်စိုက် ငေးမောနေဆဲပင်။
သူ စီးကရက်သောက်နေတာမြင်တော့ စိတ်ထဲမှာ မကြိုက်ချင်သလို ဖြစ်မိသေးသည်။ သူ ငယ်ငယ်ရွယ်ရွယ်နှင့် ဘာဖြစ်လို့များ စီးကရက်တွေ သောက်နေတာပါလိမ့်။ ရုပ်တွေရင့်ကုန်တော့မှာပဲ။ နောင်တစ်ချိန် ရင်းနှီးပတ်သက်လာတဲ့အခါ ဆေးလိပ်မသောက်ရဟု တားမြစ်ရဦးမည်။
ဘတ်စ်ကားလာသောအခါ သူမ ဘတ်စ်ကားပေါ်သို့ ကပျာကယာတက်လိုက်မိသည်။ သူက ထုံးစံအတိုင်းပင် ဘတ်စ်ကားပေါ်သို့ ပါလာခဲ့သည်။ ခုချိန်ထိတော့ သူ့ဘက်မှ ထူးထူးခြားခြား လှုပ်ရှားမှုတစ်စုံတစ်ရာ မရှိသေးတာကို အနည်းငယ်တော့ အံ့အားသင့်ရသည်။
(ဃ)
အဲဒီနေ့က နည်းနည်းတော့ ထူးခြားသည်ဟု ဆိုရမည်။ ဘတ်စ်ကားမှတ်တိုင်မှာ သူမနှင့်သူ နှစ်ယောက်တည်းရှိစဉ် ဗြုန်းဆို မိုးက ရွာချလိုက်သည်။ သူမက ထီးပါလာသောကြောင့် ထီးကို ဖွင့်ဆောင်းလိုက်မိကာ သူ့ဆီသို့ တစ်ချက်ကြည့်မိသေးသည်။ ကြည့်စမ်း... မိုးရေထဲမှာ ကောင်လေး ဖျားတော့မှာပဲ ဟု ကရုဏာစိတ်ကလေး ဖြစ်သွားမိ၏။ သို့သော် သူမက စပြီးခေါ်ရအောင်လည်း မသင့်တော်ဘူးမဟုတ်လား။ 
မိုးက သည်းသည်းထန်ထန်ပင် ရွာလျက်။ သူမမှာ သူ့ကိုစိုးရိမ်သောစိတ်ကလေးနှင့် မကြာခဏ လှည့်ကြည့်မိလေသည်။ ဒီကောင်ကလေး တော်တော်ပေတေတာပဲနော်။ 
ခဏနေတော့ သူ သူမရှိရာသို့ တရွေ့ရွေ့ ချဉ်းကပ်လာသည်ကို မျက်ဝန်းထောင့်စွန်းများဖြင့် မြင်ရသောအခါ သူမရင်ထဲ တထိတ်ထိတ်ဖိုလာခဲ့သည်။
အို... သူစပြီးတော့ လှုပ်ရှားပြီ။ သူ ဘာလာပြောမလို့ပါလိမ့်။ မိုးတွေသည်းနေသည့်ကြားမှ သူမမျက်နှာဆီမှာ ရှိန်းခနဲ ပူနွေးလာခဲ့သည်မှာ ရှက်သွေးကြောင့်ပင် ဖြစ်ရမည်။ 
“ကျွန်တော် ခဏ ထီးခိုလို့ရမလား”
သူ့အသံမှာ ခပ်သြသြ ချိုချိုကလေး ဖြစ်သည်။ 
“ရပါတယ်.. လာလေ”
သူမ အလွယ်တကူပင် ထီးကိုမြှောက်၍ သူ့အပေါ်ပါ ဆောင်းပေးလိုက်သည်။ သူက သူမ၏အနောက်နားမှာ ရပ်လျက် ထီးအရိပ်အောက်မှာ မိုးခိုနေလေသည်။ သူမကို ဘာစကားတစ်ခွန်းမှ မပြောချေ။ သူမ၏နှလုံးသားတွေ လှုပ်ရှားယိမ်းထိုးလျှက်ရှိသည်။ ဘုရားရေ... မကြာခင်မှာ သူတစ်ခုခုပြောတော့မှာပဲ။
သို့သော် သူမမျှော်လင့်ခဲ့သလို သူက ဘာစကားတစ်ခွန်းမျှ မပြောခဲ့ပါ။ သူမ မမျှော်လင့်သော အလုပ်တစ်ခုကိုသာ ဖျတ်ခနဲလှုပ်ရှားခဲ့ခြင်းဖြစ်သည်။ သူ၏ လှုပ်ရှားမှုအရှိန်အဟုန်မှာ လျင်မြန်လွန်းလှသဖြင့် ရုတ်တရက် သူမပင် အငိုက်မိကာ ကြောင်အမ်းလျက် ကျန်ရစ်ခဲ့မိသည်။ အော်ဟစ်ဖို့ သတိမရလိုက်ချေ။ မယုံကြည်နိုင်လွန်းသဖြင့် ဆွံ့အသွားခြင်းမျိုးလည်း ဖြစ်မည်။
သူက လျင်မြန်သွက်လက်စွာ လှုပ်ရှားသွားပြီးနောက် တစ်ကြိုးတည်းထွက်ပြေးသွားခဲ့သည်မှာ အနောက်သို့ပင် တစ်ချက် လှည့်မကြည့်ချေ။ သူ့လက်ထဲမှာတော့ သူမ အနှစ်နှစ်အလလ တန်ဖိုးထားစွာ တယုတယ ပိုးမွေးသလို ပြုစုယုယ မွေးမြူခဲ့ရသော ဆံပင်အရှည်ကြီးက ကျစ်ဆံမြည်းကျစ်ထားသည့်အတိုင်း ပါသွားခဲ့သည်။
“သွားပါပြီ၊ ဘုရားရေ...လုပ်ရက်လိုက်တာ၊ လူယုတ်မာကလေး”
သူမ နာနာကျင်ကျင် ဆို့ဆို့နစ်နစ်ကြီး ရေရွတ်မြည်တမ်းမိကာ သူမဆံပင်အနောက်ဆီသို့ စမ်းလိုက်မိသည်။ သူ ဘယ်အချိန်မှာ ကတ်ကြေးထုတ်လိုက်သလဲပင် သူမ မသိလိုက်။ သူမ၏ကျောပြင်နောက်နားဆီမှာ တစ်ချောင်းတည်းသော ကျစ်ဆံမြည်းအရှည်ကြီးကို ကျစ်လျက် ချထားသော သူမ၏ဆံပင်တွေကို သူက ရွှီခနဲနေအောင် ဖြတ်ယူလျက် ပြေးသွားခြင်းဖြစ်သည်။
မယုံကြည်နိုင်မှု၊ အံ့သြနာကျင်မှု၊ နှမြောကြေကွဲမှုတို့ဖြင့် သူမတကိုယ်လုံး တဆတ်ဆတ်တုန်ယင်နေကာ မျက်ရည်တွေက ပါးပြင်ပေါ်သို့ တလိမ့်လိမ့်ကျဆင်းလာခဲ့သည်။ ဘေးပတ်ဝန်းကျင်မှာ အော်ဟစ်အကူအညီတောင်းဖို့ပင် လူမရှိချေ။ ဘယ်လိုမှ မျှော်လင့်မထားသောကြောင့် အငိုက်မိကာ ခံလိုက်ရခြင်း ဖြစ်သည်။ မယုံနိုင်စရာကောင်းလိုက်တာ။ အရုပ်ကလေးက သနားကမားနှင့် သူတစ်ပါး၏ ဆံပင်တွေကို ဖြတ်လုတတ်သည့် လူဆိုးတေလေကလေးဟု ထင်ပင်မထင်ရက်ခဲ့ချေ။ သူမ၏အဖြစ်ကို ဘယ်သူ့ကိုမှ ဖွင့်ပြော၍မရ။ စိတ်ထိခိုက်လွန်းသဖြင့် တကိုယ်လုံး တုန်တန်ယင်ယင်ဖြစ်နေသည်။ ထို ကောင်လေး၏ အရိပ်အယောင်ကလေးမျှကိုပင် မမြင်ရတော့ချေ။
ဘတ်စ်ကားဆိုက်လာသောအခါ သူမသည် ဘတ်စ်ကားပေါ်သို့ ကပျာကယာတက်လိုက်လေသည်။ အကျင့်ပါနေသော လက်တွေက အနောက်မှာပို့ထားသော ဆံပင်တွေကို သိမ်းယူဖို့ သပ်လိုက်မိစဉ် လက်ထဲမှာ ဘာဆံပင်မျှ ပါမလာခဲ့တော့ချေ။
“တောက်... လုပ်ရက်လိုက်တာ၊ သေနာကလေး”
သူမစိတ်ထဲက ခပ်တိုးတိုး ကျိန်ဆဲပစ်လိုက်မိပါသည်။ 



လွန်းထားထား(ဆေးတက္ကသိုလ်) 
Beauty Max (ဒီဇင်ဘာ ၂၀၀၄)

ပျော်ပွဲစားထွက်သူများ


(က)
ဒီနေရာလေးက တကယ်အေးချမ်းတယ်။ ကန်ရေပြင်ကြီးရယ်... ရေတံခွန်ကြီးရယ်... အလှမွေးထားတဲ့ ယဉ်ကျေးတဲ့ တိရိစ္ဆာန်ကလေးတွေရယ်... သစ်ပင်တောအုပ်စိမ်းစိမ်းစိုစိုတွေရယ်... မြက်ခင်းစိမ်းနုနုတွေရယ်... အရိပ်ရသစ်ပင်တွေနဲ့မို့ ပျော်ပွဲစားထွက်ဖို့ တကယ်ကောင်းတဲ့နေရာကလေးပေါ့။ ဒီနေရာကလေးက မြို့ပြနဲ့လည်း ဝေးတယ်လေ။ မြို့ထဲကနေ ဒီနေရာကလေးဆီကို ပျော်ပွဲစားထွက်ဖို့ ငါးမျှားဖို့ လာချင်ရင် ကားနဲ့တော်တော်ဝေးဝေးကို မောင်းရတာ။ ပျော်ပွဲစားထွက်ဖို့ ငါးမျှားထွက်ဖို့ သူတို့ သူငယ်ချင်းသုံးယောက် ပိုက်ဆံစုကြရတာကတင် တစ်လလောက်ကြာပါတယ်။ ပိုက်ဆံကို ဘယ်လိုစုရတယ်များမှတ်လဲ။ ယာယီလမ်းဘေးဆိုင်လေးထိုးပြီး hot-dog နဲ့ အချိုရည်၊ ပြီးတော့ tea coffee စတဲ့ လွယ်လည်းလွယ်၊ အပန်းလည်းမကြီး အရင်းလည်းသိပ်မများဘဲ အမြတ်များများရတဲ့ ဈေးရောင်းနည်းနဲ့ ရောင်းပြီး အမြတ်ငွေကို စုခဲ့ကြတာပါ။ ဟော... အခုတော့ သူတို့ဆန္ဒပြည့်ဝခဲ့ပါပြီ။ အငှားကားတစ်စင်းငှားပြီး သူတို့သုံးယောက် ပျော်ပွဲစားထွက်နိုင်ခဲ့ကြပြီ။ 
သူတို့လက်ထဲမှာ ငါးမျှားတံကိုယ်စီလည်းပါရဲ့။ အဆင်သင့်စားဖို့ ကော်ဖီဓာတ်ဗူးအပြည့်နဲ့ အသားညှပ်ပေါင်မုန့် Sandwich တွေလည်း ယူလာခဲ့တာမို့ အပြင်ကနေ ဝယ်စားစရာမလိုတော့ဘူးပေါ့။ ငါးကိုတော့ အပျော်ပဲ မျှားကြမှာပါ။ သူတို့သုံးယောက် အလောင်းအစားတစ်ခု လုပ်ထားခဲ့ကြတယ်လေ။ ဘယ်သူက ငါးအကောင်အကြီးဆုံး မျှားနိုင်မလဲ ဆိုတာပေါ့။ အကြီးဆုံးငါးရတဲ့သူကို အသေးဆုံးငါးရသူ ဒါမှမဟုတ် ငါးတစ်ကောင်မှမရတဲ့သူက တစ်နာရီတိတိနှိပ်ပေးကြေးလေ။ တကယ်ဇိမ်ပဲ။ တကယ်တော့ ပျော်ပွဲစားထွက်တာထက် ငါးမျှားရတဲ့ဖီလင်ကို သူတို့ပိုပြီး စိတ်ဝင်စားရင်ခုန်တာပါ။ ငါးမျှားရတဲ့ဖီလင်ဟာ မိန်းကလေးတစ်ယောက်ကို လိုက်ရသလိုပဲ ရင်ခုန်စရာကောင်းတယ်လေ။ အဖြေရမလား... မရဘူးလား ဆိုတာကို ကြိုတင်မမျှော်လင့်နိုင်ဘဲ ရင်ဖိုမျှော်လင့်ရသလိုပေါ့။ 
သူတို့သုံးယောက်စလုံး အသက်နှစ်ဆယ်စီပဲ ရှိကြသေးတယ်။ တစ်ယောက်မှ ရည်းစားမထားဖူးကြသေးဘူး။ ရည်းစားတော့ အလိုချင်သားပေါ့လေ။ ဒါပေမယ့် ရည်းစားရရင် ရည်းစားကို ကျွေးရမွေးရ သူ့အကြိုက် မိတ်ကပ် နှုတ်ခမ်းနီ ရေမွှေး အဝတ်အစားစတဲ့ အသုံးအဆောင်တွေ ဝယ်ပေးဖို့ သူတို့မှာ ပိုက်ဆံ မှ ဖောဖောသီသီ မကြွယ်ဝတာ။ အဲဒီတော့ သုံးယောက်စလုံး ရည်းစားမရှာနိုင်သေးဘဲ လွတ်လပ်ပေါ့ပါးစွာပဲ အတောင်ဖွင့် ပျံသန်းလျက်ပေါ့။ သူတို့လို လူငယ်လေးတွေအတွက်တော့ ဘဝဆိုတာ အပြောကျယ်တဲ့ ကောင်းကင်ပြင်ကြီးလိုပါပဲ။ အနှောင်အဖွဲ့မရှိလေ ကြိုက်လေပဲ။ တတ်နိုင်သရွေ့ ကမ္ဘာကုန်ကျယ်သ၍ ပျံသန်းမယ်လေ။ လိုချင်တာရဖို့အတွက်လည်း အရင်းအနှီးကို ကြိုးစားရှာဖွေဖို့ ဝန်မလေးဘူး။ အခုလို ပျော်ပွဲစားထွက်ချင်တဲ့အခါ ကိုယ့်အားကိုယ်ကိုးပြီး ငွေရှာကြသလိုပေါ့။ သူတို့က ဘဝဆိုတာ အပေးအယူတစ်ခုလို့ နားလည်ထားတယ်လေ။ လိုချင်တာရှိတဲ့အခါ ညီမျှတဲ့အရင်းအနှီးတစ်ခု ပေးရမယ်ဆိုတာကိုပေါ့။ အဲဒါ အခုခေတ်လူငယ်တွေရဲ့ အယူအဆ တချို့ပဲ ဆိုပါစို့။ 
(ခ) 
ဒီနေရာလေးက အေးချမ်းလိုက်တာ။ ချစ်သူနှစ်ယောက် နှစ်ကိုယ်ကြား တီးတိုးချစ်စကား ခွန်းခြွေဖို့ အင်မတန် လုံခြုံအရိပ်ရတဲ့ နေရာကလေးတွေ ရှိတယ်လေ။ ရေကန်စပ်ကလေးမှာ နှစ်ယောက်သားထိုင်လို့ တီတာချွဲနွဲ့တဲ့ စကားလုံးအသစ်အဆန်းတွေကို တောင်စဉ်ရေမရ ခြွေချနေရမယ်ဆိုရင်တော့ ညနေစောင်း အိမ်ပြန်ချိန်ကိုတောင် မုန်းမိပါရဲ့။ တကယ်ပါ ... ချစ်သူ့ပုခုံးကလေးကို မှီရင်း အိမ်ထောင်သည်ဘဝဆိုတဲ့ အနာဂတ်ဆီ စိတ်ကူးတွေယဉ်ရတဲ့ ပီတိဟာ ဘာနဲ့မှ မတူပါဘူး။ လောကမှာ ကိုယ်ချစ်တဲ့သူနဲ့ အတူ တူနှစ်ကိုယ်တိုင်းပြည်တစ်ခု ထူထောင်ရတာလောက် စွန့်စားခန်းမြောက်တာ ဘာမှ မရှိတော့ပါဘူး။ 
သူမသည် မယားကောင်းတစ်ယောက်အဖြစ် သူမကိုယ်သူမ စိတ်ကူးထဲမှာ ထင်ယောင် မြင်ယောင် ကြည့်မိလျှင် ပီတိဖြင့် ရွှင်ကြည်စွာ ပြုံးမိလေသည်။ မျက်လုံးကလေး မှေးရီကာ စဉ်းစားကြည့်မိသည်မှာ မနက်မိုးလင်းသည်နှင့် ချစ်သူအတွက် ကော်ဖီပူပူနှင့် ပေါင်မုန့်မီးကင်ကို ထောပတ်ရွှဲစိုစိုလေးသုတ်လျှက် breakfast ကို ပြင်ဆင်ပေးမည်။ ပြီးလျှင် သူရုံးသွားဖို့အတွက် မီးပူဖြင့် သပ်ရပ်ကျော့မော့နေစေမည့် ရုံးသွားဝတ်စုံကို အဆင်သင့်ပြင်ဆင်ပေးမည်။ ထမင်းချိုင့်ကလေးက အဆင်သင့်ဖြစ်စေလို့ပေါ့။
ညနေ သူပြန်လာချိန်ကို မျှော်မောရသည်ကလည်း ရင်တဖိုဖိုကလေး နေမှာပဲ။ ညနေထမင်းဝိုင်းသည် ချစ်သူနှင့်သူမတို့၏ စကားသံရယ်မောသံတို့ဖြင့် ချိုမြိန်စည်ဝေနေစေပါမည်။ ညအိပ်ရာမဝင်ခင် ချစ်သူနှစ်ဦး ဘုရားခန်းမှာ အတူတူ ဘုရားရှိခိုး၊ တရားထိုင်ခြင်းတို့ကို ငြိမ်းချမ်းကြည်မွေ့စွာ လုပ်ကိုင်မည်။ အိပ်ရာဝင်ပုံပြင်ကို မောင့်ကို ပြောစေမည်ပေါ့။ တီးတိုးခွန်းချို၊ ချွဲနွဲ့ပလီစကားတို့ဖြင့် အိပ်ရာဝင်ကြမည်။ ကဲ ဘယ်လောက် အဓိပ္ပါယ်ရှိ၊ ကြည်နူးသာယာဖွယ် ကောင်းလှသော ဘဝပါလဲ။ စိတ်ကူးဖြင့်ပင် သူမက ရင်ခုန်ကာ ပျော်ရွှင်လာသည်။ ထိုအကြောင်းကို ချစ်သူကို ပြောပြတော့ ချစ်သူက ကျေနပ်ရွှင်ပျခြင်းဖြင့် ရယ်မောကာ သူမ၏ ဆံနွယ်မျှင်ကလေးများကို ချစ်စနိုးကျီစယ်ဆော့ကစားနေလျက် သူမ၏ မျက်နှာကလေးကို တစိမ့်စိမ့် ငေးကြည့်နေသည်။ ချစ်သူ၏ မျက်လုံးတွေဆီမှာ ရင်ခုန်ခြင်း၊ ယစ်မူးခြင်း၊ ကြည်နူးခြင်း၊ ပျော်ရွှင်ခြင်း၊ ပီတိတို့ကို မြင်ရသည်။
'မောင်ကလည်း ချစ်ခင်ပွန်းတစ်ယောက်ရဲ့ တာဝန်ကို ကျေစေမှာပေါ့ကွယ်၊ ခုကတည်းက ချစ်လေးနဲ့လက်ထပ်ဖို့ မောင့်ဆီမှာ စိတ်ကူးနဲ့ငွေစုထားရတာ တော်တော်တောင်စုမိနေပြီ၊ မောင်တို့ ဘယ်တော့ လက်ထပ်ကြမလဲဟင်'
ဟု ပုခုံးစွန်းကလေးကို ဖွဖွနမ်းလျက် မွတ်သိပ်ရီဝေစွာ မေးလျှင် သူမသည် နှစ်သိမ့်မောရီစွာဖြင့် အဖြေပေးလိုက်လေသည်။ ချစ်သူတွေအတွက် ဘဝဆိုတာ လက်တွဲဖော်နဲ့ အတူတကွ လျှောက်လှမ်းရတဲ့ ခရီးတစ်ခုပဲ ဆိုပါတော့။
(ဂ)
ရေကန်စပ်ဘေး ခုံတန်းလျားကလေးကို သူတို့ ရွေးချယ်လိုက်ကြသည်။ ဇနီးဖြစ်သူက ယိုးဒယားမြက်ဖျာ ခပ်ကြီးကြီးကလေးကို ဖျန့်ခင်းလိုက်ကာ ယိုးဒယားကော်ခြင်းကြီးထဲမှာ ထည့်ယူလာသော ပေါင်မုန့်အသားညှပ် Sandwich မုန့်တွေ၊ စတီးလ်ဓာတ်ဗူးကြီးနဲ့တကွ ပန်းသီး၊ ငှက်ပျောသီး၊ လိမ္မော်သီး စသော သစ်သီးတွေကို တစ်ခါသုံးဖော့ပန်းကန်ကြီးထဲမှာ စီရရီထည့်လျက်ရှိစဉ် ခင်ပွန်းဖြစ်သူက အသင့်ယူလာသော ငါးမျှားတံကလေးဆွဲကာ ကန်စပ်ဆီသို့ ထွက်ခဲ့သည်။ 
တကိုယ်တည်း အေးအေးလူလူ အတွေးဝေဖြာရင်း ငါးမျှားရသောအလုပ်ကို သူအလွန်ပဲ နှစ်ခြိုက်လှပါသည်။
ဒါကြောင့်လည်း သူ ရုံးအားလပ်တိုင်း ဇနီးနှင့်တကွ သားနှင့်သမီးကိုပါ တစ်ပါတည်းခေါ်လျက် ပျော်ပွဲစားထွက်ရအောင်ဟူသော ခေါင်းစဉ်တပ်ပြီး တစ်ချက်ခုတ် သုံးချက်ပြတ် စေသည်။ သူ့အတွက်လည်း သူဝါသနာပါရာကို တစ်ကိုယ်တည်း အေးအေးလူလူဆောင်ရွက်နိုင်သလို ဇနီးဖြစ်သူကိုလည်း သူမ၏တစ်နေ့တာ အိမ်မှုကိစ္စတွေကနေ ခဏကင်းဝေးစေကာ ပြင်ပလောကသို့ အလည်အပတ်ခရီးအဖြစ် စိတ်အပန်းပြေစေသည်။ သူ့သားနှင့်သမီးအတွက်လည်း ဧရာမပန်းခြံကျယ်ကြီးထဲမှာ ဘောလုံးကန်ချင်ကန်၊ စိန်ပြေးတန်းကစားချင်ကစား၊ ဗိုက်ဆာလာလျှင် မိသားစုမျက်နှာချင်းစုံညီစွာ Sandwich နှင့် ကော်ဖီပူပူကို သောက်ကြမည်။ အကယ်၍ ကံကောင်းလွန်းစွာ ငါးတစ်ကောင်တစ်လေကို သူဖမ်းမိလျှင် ဇနီးရော ကလေးတွေပါ ဝမ်းသာအားရ ပျော်မြူးကြမည်။ ထိုနေ့တစ်နေ့တာလုံး သူတို့မှာ ပူပန်သောကမရှိ၊ စိတ်ညစ်နာကျင်ရခြင်းတွေမရှိ၊ အဆင်မပြေခြင်းတွေ၊ မပြေလည်ရခြင်းတွေလည်း မရှိ။ ပကတိငြိမ်းချမ်းပျော်ရွှင်စွာ။ နောက်နေ့အတွက် အားအင်တွေအပြည့် ဖြည့်တင်းသိုမှီးခဲ့ရသလိုပင်။ တစ်နေကုန် အေးအေးဆေးဆေး အချိန်ကုန်လွန်စေပြီး ညနေစောင်းမှ သူတို့ အိမ်ပြန်ကြသည်။ သူတို့မိသားစုအတွက် ဘဝဆိုသည်မှာ စည်းလုံးညီညွတ်ခြင်း ၊ မရှိအတူ ရှိအတူ၊ အေးအတူပူအမျှ ခံစားယူရခြင်း ဖြစ်လေသည်။
(ဃ)
ရေကန်စပ်နံဘေး ခုံတန်းလျားလေးကို သူတို့ နှစ်ယောက် ရွေးချယ်လိုက်လေသည်။ နှစ်ယောက်သား တစ်ယောက်လက် တစ်ယောက် ညင်သာ ဖွဖွတွဲဆုပ်ထားလျက်။ နွေးထွေးစွာ၊ ယုယကြင်နာစွာ။ အဘိုးကြီးက အသက်ရှစ်ဆယ်ရှိခဲ့ပြီ။ အဘွားကြီးကတော့ ခုနစ်ဆယ့်ငါး။ သူတို့နှစ်ဦးအိမ်ထောင်သက်မှာ နှစ်ပေါင်း ငါးဆယ်ကျော်ခဲ့ပြီ။ နှစ်ပေါင်းငါးဆယ်လုံးလုံး ရဲဘော်ရဲဘက်တွေလို၊ တစ်ခါတစ်ရံ သူငယ်ချင်းမိတ်ဆွေတွေလို၊ တစ်ခါတစ်ရံမှာတော့ ချစ်သူဇနီးမောင်နှံတွေလို၊ တစ်ခါတစ်ရံ သားအမိလို၊ မောင်နှမလို တီးတိုးတိုင်ပင်ညှိနှိုင်းလိုက်ကြ၊ လောကဓံအခက်အခဲတွေကို ကြံ့ကြံ့ခံ ရင်ဆိုင်လိုက်ကြနှင့် တိုက်ပွဲတစ်ပွဲကို တက်ညီလက်ညီ တိုက်ပွဲဝင်ခဲ့ကြသော ရဲဘော်ရဲဘက်တွေ ဖြစ်ခဲ့ကြသည်။
နှစ်ပေါင်းငါးဆယ်ကျော်ကာလအတွင်းမှာ သူတို့ တစ်ညကလေးတောင် မခွဲခဲ့ကြပါဆိုလျှင် ယုံနိုင်ပါ့မလားမသိ။ တကယ်ပင် မခွဲခဲ့ကြပါ။ ထိုသက်တမ်းရှည်လျားအတွင်းမှာ သူတို့ ရယ်မောခဲ့ကြဖူးရဲ့။ ငိုကြွေးဝမ်းနည်းခဲ့ရဖူးရဲ့။ ရန်ဖြစ် စိတ်ဆိုး စိတ်ကောက်ကြသည့် အခါတွေလည်း ရှိခဲ့သလို ချစ်ကြည်နူးရင်ခုန်ပျော်ရွှင်ခဲ့ရသော အချိန်တွေလည်း မရေမတွက်နိုင်အောင် ရှိခဲ့တာပါပဲ။
သူတို့နှစ်ယောက်မှာ အဘိုးကြီးဖြစ်သူက အစဉ်အလာကလေးတစ်ခု အမြဲတမ်းလုပ်ခဲ့သည်မှာ တစ်ပတ်မှာတစ်ရက် ရုံးအားရက်ရလေတိုင်း ဇနီးဖြစ်သူကိုခေါ်ကာ ဘုရားကျောင်းဖြစ်ဖြစ်၊ တိရိစ္ဆာန်ဥယျာဉ်ဖြစ်ဖြစ်၊ ဈေးဖြစ်ဖြစ် လိုက်ပို့ကာ လည်ပတ်လေ့ရှိခြင်းဖြစ်သည်။ ထိုအကျင့်ကလေးက ခုချိန်ထိ စွဲမြဲတုန်းပါပင်။
သူတို့နှစ်ယောက်မှာ သားသမီးရတနာ မထွန်းကားခဲ့ပေမယ့် တစ်ယောက်ကိုတစ်ယောက် ခိုင်မြဲသော သစ္စာနှောင်ကြိုးတို့ဖြင့် မြဲမြဲမြံအောင် တုပ်နှောင်ခိုင်မြဲစေခဲ့ပါသည်။ ခုလို အသက်တွေ ကြီးရင့်အိုမင်းလာသောအခါ မှီခိုအားထားရာ သားထောက်သမီးခံမရှိသည်မို့ သူတို့နှစ်ယောက်သာ တစ်ယောက်ကိုတစ်ယောက် အပြန်အလှန် အားပေးဖေးမကြရင်း တရားဓမ္မနှင့်မွေ့လျော်ရင်း ဘဝ၏နောက်ဆုံးအချိန်ကို ဖြတ်သန်းရင်ဆိုင်လျှက်ရှိကြသည်။
သူတို့ မညည်းညူကြပါ။ မငြီးငွေ့ကြပါ။ နောက်ဆုံးထွက်သက်ကလေးမှာ ဝင်သက်ထွက်သက်ကလေးဆီမှာ အာရုံသတိကပ်ငြိရင်း တရားကိုသိစွာ သေဆုံးကြဖို့ကိုလည်း ပြင်ဆင်ထားပြီးသား ဖြစ်ပါသည်။ သူတို့နှစ်ယောက်အတွက်တော့ ဘဝဆိုသည်မှာ မည်မျှပင်ရှည်လျားလွန်းလှသော်လည်း တခဏလေးဖြစ်ပြီး ပျက်သွားတတ်သော မမြဲသောတရားတွေနှင့် ပြည့်နှက်နေသည့် ရေပွက်ပမာပင်။


လွန်းထားထား(ဆေးတက္ကသိုလ်) 
ကလျာမဂ္ဂဇင်း (စက်တင်ဘာ ၂၀၀၉)
Related Posts Plugin for WordPress, Blogger...